News

11
Apr

Ազգային Փոքրամասնութիւններու Ներկայացուցիչները Պատիւ Կը Համարեն Ազգային Ժողով Մտնելը

17901966_1163405337102634_668532523_o.thumb«Սահմանադրական փոփոխութիւնները հնարաւորութիւն տուին, որ ազգային փոքրամասնութիւնները կրկին մտնեն Ազգային ժողով»,-այսօր լրագրողներու հետ հանդիպման ժամանակ ըսած է Հայաստանի մէջ քրտական համայնքի ղեկավար Կնեազ Հասանով` յիշեցնելով, որ մինչ խորհրդային կարգերու փլուզումը ազգային փոքրամասնութիւները խորհրդարանին մէջ ունեցած են պատգամաւորներ:

«Շնորհակալութիւն կը յայտնենք Հայաստանի իշխանութիւններուն, որ մեզի հնարաւորութիւն տուին Ազգային Ժողովի մէջ ներկայացուցիչներ ունենալու: Ատիկա պատիւ է թէ փոքրամասնութիւններուն, թէ Ազգային Ժողովին համար»,- «Փանորամա»-ի փոխանցմամբ՝ նշած է Հասանով:

Անոր խօսքով` խորհրդարանին մէջ իրենք պիտի կարենան Հայաստանի մէձ 11 ազգային փոքրամասնութիւններուն վերաբերող հարցեր ներկայացնել. «Կրթութեան, մշակութային եւ մեր համայնքներուն վերաբերող շարք մը կենցաղային հարցեր: Բացի ատկէ պիտի կարենանք մասնակցիլ նաեւ օրէնքներու ստեղծման ու ընդունման»:

Հանդիպման ներկայ «Աթուր» ասորիներու միութեան նախագահ Արսէն Միխայլով նշած է, որ իրենց համայնքը բազմիցս իր երախտիքի խօսքը յղած է` համայնքին նկատմամբ մարդասիրական վերաբերմունքի համար:

«Մենք հիմա աւելի պարտաւորուած կը  զգանք մեզի: Խորհրդարանին մէջ պատգամաւորներ ունենալը դուրսի մեր համայնքներուն համար եւս կարեւոր իրադարձութիւն է: Մեզի յուզող հարցերը աւելի արագ ու թափանցիկ լուծում կրնան ստանալ: Մենք քաղաքական հարցեր չունինք, մեր հարցերն ու խնդիրները էթնիկ մշակութային են»:

Լրագրողները բանախօսներէն հետաքրքրուեցան, թէ արդեօք իրենց մէջ ընդդիմադիրներ չկան, որուն Հայաստանի մէջ քրտական համայնքի ղեկավարը ապատասխանեց. «Ազգային փոքրամասնութիւնները ուր ալ ըլլան, պէտք է ըլլան իշխանամէտ, բոլոր հարցերը պէտք է լուծեն իշխանութիւններուն հետ: Մենք չենք կրնար ընդդիմադիր ըլլալ ՀՀ իշխանութիւններուն, մեր բոլոր հարցերով կը դիմենք պետութեան»:

«Աթուր» ասորիներու միութեան նախագահը աւլեցուց, որ համայնքին մէջ կան ընդդիմադիր կուսակցութիւններուն սատարողներ, սակայն շատ քիչ տոկոս կը կազմեն:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...