News

30
Jun

ԱՀ Պետական Նախարար Գրիգորի Մարտիրոսեան Ընդունած է ՀՀ Աշխատանքի եւ Հասարակական Հարցերու Նախարար Մանէ Թանդիլեանը

 89145Արցախի Հանրապետութեան պետական նախարար Գրիգորի Մարտիրոսեան, Յունիս 30-ին, ընդունած է ՀՀ աշխատանքի եւ հասարակական հարցերու նախարար Մանէ Թանդիլեանի գլխաւորած պատուիրակութիւնը։

ԱՀ պետական նախարարի աշխատակազմի տեղեկատւութեան եւ հասարակայնութեան հետ կապերու բաժինէն փոխանցուած տեղեկութիւններով՝ պետական նախարարը ողջունած է Մ. Թանդիլեանը նախարարի կարգավճակով առաջին անգամ Արցախ այցելելուն համար՝ բարձր գնահատելով ՀՀ աշխատանքի եւ հասարակական հարցերու նախարարութեան եւ Արցախի կառավարութեան միջեւ տարիներէ ի վեր ձեւաւորուած համագործակցութեան մակարդակը։ Գ. Մարտիրոսեան նշած է, որ հայկական երկու հանրապետութիւններուն մէջ վարուող ընդհանուր քաղաքականութեան սկզբունքին ծիրէն ներս կարեւոր կը համարէ համաչափ զարգացման անհրաժեշտութիւնը՝ տեղեկացնելով, որ ՀՀ-ի մէջ սկսած բարեփոխումները պիտի իրականացուին նաեւ Արցախի մէջ։

Շնորհակալութիւն յայտնելով ջերմ ընդունելութեան համար՝ նախարար Մ. Թանդիլեան նշած է, որ Արցախի հետ համատեղ իրականացուող բոլոր ծրագիրները պիտի շարունակուին։ Անոր խօսքերով՝ այցելութեան ընթացքին ԱՀ աշխատանքի եւ հասարակական հարցերու նախարարութեան գործընկերներուն հետ նախատեսուած են համագործակցութեան տիրոյթին մէջ ընթացիկ հարցերու քննարկման եւ անոնց արդիւնաւէտութեան բարձրացման շարք մը հարցեր։

Հանդիպման ընթացքին զրուցակիցները մտքեր փոխանակած են Արցախի մէջ կենսաթոշակային համակարգի զարգացման, ինչպէս նաեւ բնակչութեան հասարակական պաշտպանութեան արդիւնաւէտութեան եւ հասարակական աջակցութեան հասցէականութեան բարձրացման նպատակով հանրապետութեան մէջ «Արցախ» համակարգի ներդրման հետ կապուած հարցեր։

Հանդիպման ներկայ եղած են ԱՀ աշխատանքի եւ հասարակական հարցերու նախարար Սամուէլ Աւանեսեան, ԱՀ ելեւմտական նախարար Արթուր Յարութիւնեան, պաշտօնատար այլ անձեր։

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...