News

16
Oct

Ամերիկահայերը Քոնկրեսէն Կը Պահանջեն Պատժամիջոցներ Սահմանել Թուրքիոյ եւ Ազրպէյճանի Նկատմամբ

Ամերիկայի Միացեալ Նահանգներու մէջ
բնակող հազարաւոր հայեր
եւ օտարներ, որոնք կը սատարեն հայ
ժողովուրդին, Հոկտեմբեր 15-ին բողոքի ցոյց կազմակերպած են Ուաշինկթընի մէջ` Քոնկեսի շէնքին դիմաց, եւ դատապարտած են Ազրպէյճանի, Թուրքիոյ` Արցախի եւ Հայաստանի դէմ սանձազերծած ռազմական
գործողութիւնները:

«Արմենփրես»-ի հաղորդմամբ` բողոքի ցոյցին մասնակիցները ԱՄՆ-ի իշխանութիւններէն պահանջած են պատժամիջոցներ կիրառել Թուրքիոյ եւ Ազրպէյճանի նկատմամբ, դադրեցնել որեւէ ռազմական կամ այլ օգնութիւն տրամադրել
վերոնշեալ երկիրներուն եւ ճանչնալ Արցախը:

Անոնք ծածանած են Հայաստանի եւ Արցախի դրօշները, իսկ պաստառներուն վրայ գրած են. «Մենք արդարութիւն կը պահանջենք», «Կանգնեցուցէ՛ք Ազրպէյճանը», «Ճանչնալ Արցախը», «Վե՛րջ տուէք պատերազմին»,
«Պիտի յաղթենք»:

Բողոքի ցոյցին մասնակիցները վանկարկած են «Ամօ՛թ Թուրքիոյ, ամօ՛թ
Ազրպէյճանին», «Էրտողանն ու Ալիեւը ահաբեկիչներ են», «Պայքա՛ր, պայքա՛ր մինչեւ վերջ»:

Աւելի առաջ ամերիկահայերը բողոքի ցոյց ըրած էին ԱՄՆ-ի Թուրքիոյ դեսպանին տան դիմաց, յետոյ`
Սպտակ տան դիմաց: Անոնք պահանջած են ճանչնալ Արցախի անկախութիւնը,
զրկել Թուրքիան ՆԱԹՕ-ի անդամակցութենէն, դադրեցնել ֆինանսական աջակցութիւնը
Ազրպէյճանին ու Թուրքիոյ:

Նման պահանջներով հայերը բողոքի ցոյցեր կ՛իրականացնեն ոչ միայն ԱՄՆ-ի, այլեւ աշխարհի բազմաթիւ երկիրներու մէջ:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...