News

22
Mar

Ամերիկայի Հայ Դատի Յանձնախումբը Կոչ Ըրած է Հրաժարուելու «Մատրիտեան Սկզբունքներէն»

ԱՄՆ Հայ Դատի յանձնախումբը կը վերահաստատէ իր սկզբունքային ընդդիմադիր դիրքորոշումը Մատրիտեան սկզբունքներու նկատմամբ, որ խորապէս սխալ, անշրջահայեաց եւ անհամաչափ առաջարկ է ԵԱՀԿ Մինսկի խումբի կողմէ` Արցախի կարգավիճակի եւ անվտանգութեան վերաբերեալ:

Հայ Դատի յանձնախումբի յայտարարութեան մէջ կը նշուի, որ կ՛աջակցի ԵԱՀԿ Մինսկի խումբին` որպէս կառուցողական հարթակ բանակցութիւններու շարունակութեան համար, բայց կը մերժէ անոր ներկայ առաջարկը (յայտնի որպէս Մատրիտեան սկզբունքներ) որպէս խորապէս թերի եւ, ի վերջոյ, անարդիւնաւէտ ծրագիր, որ կը խոչընդոտէ խաղաղութեան գործին ու կը մեծցնէ  պատերազմի վերսկսելու վտանգը:

Ըստ յայտարարութեան` Մատրիտեան սկզբունքները հիմնովին անհամաչափ պահանջներ կը պարունակեն` Արցախի կողմէ հողերու ու անվտանգութեան նախնական, ռազմավարական եւ անվերադարձ զիջումներ` Ատրպէյճանի կողմէ կարգավիճակի վերաբերեալ աղօտ, յետաձգուելիք եւ յետադարձելի խոստումներու դիմաց: Հայ Դատի յանձնախումբը կը շեշտէ, որ  Մատրիտեան սկզբունքներու սահմանումներով ամբողջ պատասխանատւութիւնը կը դրուի Արցախի վրայ, իսկ Ատրպէյճան միայն կը շահի, եւ այս ոչ ճշգրիտ բանաձեւը խաղաղութեան չի յանգեցներ, այլ թատերաբեմ կրնայ ըլլայ հակամարտութեան շարունակման եւ տարածաշրջանային անկայունութեան համար:

Յայտարարութեան մէջ կը նշուի, որ վերջին 25 տարիներու ընթացքին Ատրպէյճան հետեւողականօրէն կը խախտէ 1994-ի հրադադարի մասին եռակողմ պայմանագիրով ստանձնած պարտաւորութիւնները` լուրջ կասկածի տակ դնելով, թէ արդեօ՞ք երկրի ներկայ կամ ապագայ իշխանութիւնները գործնականօրէն պիտի յարգեն յանձնառութիւնները Մատրիտեան սկզբունքներով խաղաղութեան հաստատման համար:

«Մատրիտեան սկզբունքները կը հակասեն մեր՝ ամերիկեան ժողովրդավարական ինքնորոշման վերաբերեալ պատկերացումներուն: Ժողովրդավարական եւ կայուն կարգաւորումը պէտք է հիմնուած ըլլայ ազատ քաղաքացիներու` իրենց ընտրած կառավարութեան իշխանութեան ներքոյ ապրելու իրաւունքի վրայ։

Առանձնայատուկ կը շեշտուի, որ Մատրիտեան սկզբունքներուն մէջ նոյնիսկ անդրադարձ չկայ Ատրպէյճանի կողմէ Արծուաշէնի (Հայաստանի Հանրապետութիւն), ամբողջութեամբ Շահումեանի եւ մասնակիօրէն Մարտակերտի ու Մարտունիի (Արցախի Հանրապետութիւն) տարածքներու բռնազաւթման մասին, եւ չկայ որեւէ հիմք` հայոց պատմութեան, Ատրպէյճանի քաղաքական յայտարարութիւններու, ժողովրդավարական սկզբունքներու, միջազգային իրաւունքի կամ հակամարտութիւններու կարգաւորման նախադէպերու ծիրէն ներս, հաւատալու համար, որ Արցախի կողմէ իր ինքնիշխան տարածքներու ընդարձակ մէկ մասի յանձնումը երկիրը պիտի դարձնէ աւելի անվտանգ, իսկ Ատրպէյճանը` քիչ յարձակողական, որ եթէ Արցախը հողային զիջումներ ընէ, ատոր չեն հետեւիր Ատրպէյճանի` Արցախի ինքնիշխանութեան նկատմամբ ոտնձգութիւնները, որ Արցախի շուրջը տեղակայուած խաղաղապահները պիտի կանխեն Ատրպէյճանի նոր յարձակումները:

«Արցախի անկախ Հանրապետութեան ազատ քաղաքացիները, որոնք  խորհրդային` տասնամեակներ տեւած իշխանութեան եւ ատրպէյճանական թշնամանքէն ետք զարգացած ժողովրդավարութիւն կառուցած են, արժանի են նոյն ժողովրդավարական ազատութիւններուն եւ մարդու իրաւունքներուն, որոնք մենք կը գնահատենք որպէս ԱՄՆ-ի քաղաքացիներ: Ըստ էութեան, Արցախը ամերիկեան պատմութիւն է, որ կը ներկայացնէ օտար իշխանութիւններու դէմ ազատ մարդոց յաղթանակը: Արցախի Հանրապետութեան քաղաքացիները իրենց` ժողովրդավարական կերպով ընտրուած կառավարութեան միջոցով կրնան որոշումներ կայացնել սեփական ճակատագրի վերաբերեալ, որոնց շարքին` կարգավիճակի եւ անվտանգութեան վերաբերեալ միջազգային բանակցութիւններուն Արցախի լիարժէք վերադարձի միջոցով: Արցախը ժողովրդավարական, քրիստոնեայ, արեւմտամէտ հանրապետութիւն է, որ յստակօրէն կանգնած է անհանդուրժողական ուժերու դէմ եւ արժանի է հզօր ամերիկեան աջակցութեան»,-կ՛՛ըսուի Հայ Դատի յանձնախումբի յայտարարութեան մէջ եւ կոչ կ՛ուղղուի ԱՄՆ-ին` շարունակելու աշխատանքները ԵԱՀԿ Մինսկի խումբին մէջ ու խրախուսելու կողմերը` մէկ կողմ դնել ձախողուած Մատրիտեան սկզբունքներու` խորապէս թերի փուլային եւ անհամաչափ մօտեցումը, մշակել ժողովրդավարութեան եւ ինքնորոշման վրայ հիմնուած նոր մօտեցում, որ ուղղուած է փաթեթային ձեւաչափով Արցախի եւ Ատրպէյճանի միջեւ տակաւին չլուծուած` կարգավիճակի ու անվտանգութեան մասին հարցերու լուծման, միանալ Հայաստանի պահանջին` Արցախը մասնակից դարձնել բոլոր միջազգային բանակցութիւններուն եւ իր ապագայի վերաբերեալ որոշումներու կայացման։Top of Form

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...