News

28
Feb

Ամերիկացի Քոնկրեսականները Կը Դատապարտեն Հայերու Դէմ Իրագործուած Սումգայիթեան Ջարդերը

Ամերիկացի քոնկրեսականներ Ֆրենկ Փալոն կրտսերը եւ Ատըմ
Շիֆ հանդէս եկած են Սումգայիթի ջարդերու վերաբերեալ յայտարարութիւններով՝ դատապարտելով շուրջ 3 տասնամեակ առաջ Ատրպէյճանի հայ բնակչութեան նկատմամբ իրականացուած վայրագութիւնները, կը հաղորդէ «Արմենփրես»-ը։

«Ես այսօր ոգեկոչում եմ 31 տարի առաջ ադրբեջանցիներու կողմէ հայ ժողովուրդի դէմ իրականացուած ամենասարսափելի յարձակումներէն մէկը` սումգայիթեան ջարդերի յիշատակը», նշած է Ֆրենկ Փալոն կրտսերը:

 Ամերիկացի քոնկրեսականը իր յայտարարութեան մէջ շեշտած է, որ աւելի քան երեք տասնամեակէ ի վեր Ատրպէյճան քայլեր կը ձեռնարկէ մարդկութեան դէմ այդ յանցագործութիւնները կոծկելու եւ Սումգայիթի մէջ տեղի ունեցած վայրագութիւնները քօղարկելու համար: Ան առաւել անհանգստացած է, որ այս դէպքերու եւ նման այլ վայրագութիւններու մեղաւորները Ատրպէյճանի  կառավարութեան կողմէ հռչակուած են ազգային հերոսներ:

«Չափազանց կարեւոր է, որ Միացեալ Նահանգներու կառավարութիւնը ճանչնայ եւ դատապարտէ քաղաքացիական անձերու դէմ այս յարձակումները: Ատոր համար ես կը շարունակեմ կանգնիլ հայ ժողովուրդի կողքին` դատապարտելով այս սարսափելի կոտորածը․․․», նշելով, որ ցաւօք, Սումգայիթի ջարդերէն մինչ այսօր ատրպէյճանական կառավարութեան մօտեցումը հայ ժողովուրդի նկատմամբ շատ չէ փոխուած եւ ականատես կ՛ըլլանք Արցախի Հանրապետութեան ժողովուրդը ահաբեկելու մարտավարութեան:

«Եթէ մենք չենք դատապարտեր մարդկութեան դէմ յանցագործութիւնները եւ թոյլ կու տանք, որ անոնք մնան անպատիժ ու չճանչցուած,  ապա ատով մենք միայն կը հզօրացնենք զանոնք, որոնք կը ձգտին ապագային եւս այս յանցագործութիւնները կրկնելու․․․

«Ես կը շարունակեմ աշխատիլ «Քոնկրեսի հայկական հարցերով զբաղող յանձնախումբ»-ի իմ գործընկերներուն հետ` սումգայիթեան ջարդերու զոհերուն յիշատակը ոգեկոչելու եւ դատապարտելու  բռնութեան բոլոր գործողութիւնները այն մարդոց հանդէպ, որոնք թիրախ դարձան զուտ իրենց գոյութեան պատճառով: Յուսով եմ, որ իմ գործընկերները կը միանան ինծի, որպէսզի մերժենք կոշտ հռետորաբանութիւնն ու ահաբեկումը եւ վերահաստատենք համընդհանուր  խաղաղութեան հասնելու մեր յանձնառութիւնը», – ըսուած է Փալոնի յայտարարութեան մէջ։

 Քոնկրեսական Ատըմ Շիֆ իր յայտարարութեան մէջ կ՛ըսէ․ «Փետրուար 27-ին եւ յաջորդող 3 օրերու ընթացքին ատրպէյճանցիներու ամբոխները յարձակած եւ սպաննած են հայերը: Բռնութիւններու հետեւանքով սպաննուած եւ վիրաւորուած են հարիւրաւոր մարդիկ, կանայք եւ աղջիկները բռնաբարուած են, իսկ ոմանց կենդանի այրած են: Հազարաւոր մարդիկ ստիպուած եղած են լքելու իրենց տուները` թողնելով ունեցուածքը»:

Ադամ Շիֆը, խստօրէն քննադատելով ատրպէյճանական իշխանութիւններու ցեղապաշտական քաղաքականութիւնը, նշած է, որ ջարդերը անմիջական հետեւանք էին Ատրպէյճանի իշխանութիւններու տարիներ շարունակ իրականացուցած արատաւոր, ցեղապաշտական հակահայկական քարոզչութեան, որ միտուած էր նուաստացնելու Ատրպէյճան մէջ բնակող հայ քաղաքացիներուն` այդպիսով հող նախապատրաստելով զանգուածային բռնութիւններու համար:

Շիֆը իր յայտարարութեան մէջ յիշատակած է նաեւ 15 տարի առաջ ատրպէյճանցի սպայ Ռամիլ Սաֆարովի կողմէ հայ սպայ Գուրգէն Մարգարեանի սպանութիւնը` ատիկա որակելով որպէս Հայաստանի դէմ Ատրպէյճանի ատելութիւն եւ դատապարտելով Սաֆարովի` Ատրպէյճանին արտայանձնումը եւ այնտեղ վերջինիս հերոսացումը:

«Երկու ամիսէն Հայոց Ցեղասպանութեան 104-րդ տարելիցն է, որ ամէն կերպով կը հերքէ Ատրպէյճանի մերձաւոր դաշնակից Թուրքիան: Մենք պէտք է թոյլ չտանք, որ մարդկութեան դէմ այս տեսակ յանցանքները մնան չճանչցուած` անկախ անկէ, թէ երբ իրականացուած են` 30 տարի առաջ, թէ` 100: Այսօր պէտք է լռութեամբ յարգենք Սումգայիթի ջարդերու վայրագութիւններուն զոհ դարձած հայերուն յիշատակը: Մեր բարոյական պարտքն է դատապարտել ատելութեան հողի վրայ կատարուած յանցանքները եւ յիշել զոհերը` յոյսով, որ պատմութիւնը չկրկնուի»,- շեշտած է Շիֆ:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...