News

14
Sep

ԱՄՆ Արտաքին Գործոց նախարարութիւնը Հայաստանը Ճանչցած է Իբրեւ Գանձային Թափանցիկութեան Նուազագոյն Պահանջները Բաւարարող Երկիր

state_department_issues_worldwide_travel_alert_because_of_al_qaida_terror_threats.thumb

Միացեալ Նահանգներու արտաքին գործոց նախարարութիւնը հրապարակած է 2017 թուականի գանձային տարուան թափանցիկութեան զեկոյցը (Fiscal Transparency Report):

Հայաստանը զեկոյցին մէջ ներառուած է իբրեւ գանձային թափանցիկութեան նուազագոյն պահանջները բաւարարող երկիր:

ԱՄՆ ԱԳ նախարարութեան կողմէ հրապարակուած զեկոյցին մէջ որպէս նուազագոյն պահանջներ ներկայացուած են պետական պիւտճէի թղթաբանութիւնը եւ բնական պաշարներու արդիւնահանման մասին կառավարութեան պայմանագիրներն ու արտօնագիրները: Այսինքն, 2017 թուականի գանձային թափանցիկութեան ուսումնասիրութեան գործընթացը կը պահանջէ հասկնալ` արդեօք նշուած կառավարութիւնները հրապարակայնօրէն ի ցոյց կու տան առանցքային պիւտճետային փաստաթուղթերը: Բացի այդ, գործընթացը կ՛ենթադրէ յստակեցնել` կառավարութիւնը արդեօք ունի անկախ գերագոյն հաշուեքննութեան կազմակերպութիւն, որ կը ստուգէ կառավարութեան տարեկան ֆինանսական հաշուետուութիւնները եւ արդեօք այդ հաշուեքննութիւններու արդիւնքները հասանելի կը դառնան հանրութեան:

Զեկոյցին մէջ գնահատական կը տրուի նաեւ անոր, թէ արդեօք բնական պաշարներու արդիւնահանման համար տրամադրուող արտօնագիրները ու պայմանագիրները ամրագրուած են օրէնքով եւ գործնականօրէն կը կիրառուին:

Ի տարբերութիւն Հայաստանի` Ատրպէյճան ներառուած է այն երկիրներու շարքին, որոնք չեն ապահոված գանձային թափանցիկութեան նուազագոյն պահանջները: ԱԳՆ նաեւ արձանագրած է, որ այդ երկիրը գանձային թափանցիկութեան ապահովման հարցով որեւէ առաջընթաց չէ արձանագրած:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...