News

09
Sep

Ամուլսարի Հանքի Շահագործումը Արգիլելու Որեւէ Իրաւական Հիմք Չկայ․ Փաշինեան

ՀՀ վարչապետ Նիկոլ Փաշինեան այսօր ըսած է, որ «առնուազն այս պահի դրութեամբ Ամուլսարի հանքի շահագործումը արգիլելու որեւէ իրաւական հիմք չկայ»:

«Միեւնոյն ժամանակ, մենք չենք կրնար հաշուի չառնել մեր հանրութեան մէջ առկայ անհանգստութիւնները: Սակայն, միւս կողմէն մենք չենք կրնար հաշուի չնստիլ նաեւ ՀՀ տնտեսական հանրութեան անհանգստութիւններուն հետ:

 Վերջերս «Մուտիս» ընկերութիւնը բարձրացուցած է ՀՀ վարկանիշը: Ամուլսարի շուրջ ստեղծուած իրավիճակին պատճառով, եթէ մենք այս իրավիճակը ճիշդ չկառավարենք, ապա ատիկա կրնայ յանգեցնել Հայաստանի վարկանիշի վատթարացման, որուն հետեւանքները մենք բոլորս կրնանք զգալ մեր վարկերուն վրայ, այսինքն` փողի արժէքի ծիրէն ներս»,-ֆէյսպուքի ուղիղ եթերով յայտնած է վարչապետը:

 Անոր խօսքով` եթէ ՀՀ կառավարութիւնը արգիլէ Ամուլսարի հանքի շահագործումը, ապա ատիկա կրնայ դիտուիլ «որպէս խտրական մօտեցում»:

 «Եթէ ուղղակի թոյլ չենք տար շահագործուի, ապա պէտք է նշենք, թէ ինչու թոյլ կու տանք Զանգեզուրի պղնձամոլիբդենային կոմբինատը, Թեղուտի հանքերը շահագործուին: Արդեօք անոնք կը գործե՞ն բնապահպանական բոլոր չափանիշներուն համաձայն: Մենք կրնանք ունենալ միջազգայնօրէն շատ լուրջ խնդիր` խտրական մօտեցումներ ցուցաբերելու համար»,- աւելցուցած է Նիկոլ Փաշինեան:

Ըստ անոր` «Կարելի չէ արհամարհել մեր երկրի տնտեսութեան եւ արտաքին անվտանգութեան հետ կապուած խնդիրները, որոնք նոյնպէս որոշակի կարեւորութիւն ունին այս հարցը քննարկելու ատեն»:

 Փաշինեան Ջերմուկի բնակիչներուն յորդորեց ապաշրջափակել Ամուլսարի հանք տանող բոլոր ճանապարհները:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...