News

30
Jun

«Այցելէք Արցախ, Այնտեղ Հրաշալի Մթնոլորտ է». Իսրայէլցի Քաղաքագէտին Կոչը

avigdor eskinԻսրայէլցի յայտնի քաղաքագէտ, հասարակական գործիչ Ավիգթոր Էսքին Արցախ այցէն ետք յայտնուած է Ատրպէյճանի սեւ ցուցակին մէջ:

«Ինծի համար ահաւոր էր, որ Արցախ այցէս ետք Ատրպէյճանի ինչ-որ սեւ ցուցակներու մէջ կը յայտնուիմ, ինչո՞ւ: Այն, որ մարդը բարի կամքով կ՛այցելէ Արցախ, կը խօսի այնտեղի մշակութային, կրթութեան բարձր մակարդակի ու լաւ ընդունելութեան մասին, Ատրպէյճանի մէջ «անցանկալի անձ» կը ճանչցուի»,- այսօր լրագրողներու հետ հանդիպման ժամանակ ըսած է Ավիգթոր Էսքին` կիսուելով Հայաստանէն եւ Արցախէն ստացած իր տպաւորութիւններով, կը յայտնէ panorama.am-ը:

Ան պատմած է, որ Հայաստան կը գտնուի երկրորդ անգամ ըլլալով եւ յոյս ունի, որ սա վերջինը չէ: Ինչ կը վերաբերի Արցախ այցին` իսրայէլցի քաղաքագէտը ըսած է. «Արցախի մէջ զիս ընդունեցին հրաշալի մթնոլորտի մէջ, կարծես հանդիպում ըլլար հին ընկերներու հետ: Փողոցը, սրճարաններու մէջ, ուր որ գացի, զրուցեցի մարդոց հետ: Մարդիկ այնտեղ շատ  հանգիստ են, ժպիտը դէմքին, վաղուան օրուան հաւատքով, հիւրընկալ, բարին կամեցող: Ինչ տեսած եմ, ատոր մասին ալ պիտի խօսիմ` անկախ հետեւանքներէն: Շնորհակալ եմ այդ ընդունելութեան համար»:

Ավիգթոր Էսքինի խօսքով` իր այցը Արցախ աւելի շատ ուսուցողական էր:

«Բոլորը ինծի կը հարցնեն, իսկ ի՞նչ կը մտածեմ այն մասին, թէ ինչ պէտք է ընել Արցախ: Ինչո՞ւ պէտք է ես ինչ որ բան մտածեմ ընդամէնը երկու օր անց: Լուրջ որոշումներ առաջարկելու համար պէտք է այնտեղ որոշ ժամանակ ապրիլ, սորվիլ, զգալ, հասկնալ: Մենք Իսրայէլի մէջ չենք սիրեր, երբ կու գան եւ կ՛ըսեն, դուք պէտք է լուծէք ձեր հակամարտութիւնը այսպէս կամ այնպէս: Դուք գիտէք, որ ինչպէս Հայաստանը, այնպէս ալ Իսրայէլը կը գտնուին հակամարտութեան մէջ: Երբ մարդիկ կու գան, որոնք ոչինչ գիտեն, ոչ քարտէզ, ոչ սահմաններ, եւ առաջարկներ կ՛ընեն, ատիկա սխալ է: Չեմ ուզում յայտնուիլ այդ իրավիճակի մէջ: Ես եկած եմ սորվելու, այլ ոչ թէ սորվեցնելու ինչ-որ մէկուն: Ես գիտեմ, որ հայերու մէջ կան տարբեր կարծիքներ, թէ ինչպէս պէտք է լուծել այդ հակամարտութիւնը, իրաւականօրէն, գործնականօրէն, ես դեռ ոչինչ կրնամ ըսել այդ թեմայով»,- մանրամասնած է ան:

Նաեւ տեղեկացուցած է, որ հանդիպած է Արցախ Հանրապետութեան նախագահին, Ազգային ժողովի նախագահին, ԱԳ նախարարին, որոնց հետ բազմապիսի հարցեր քննարկած են` փոխհամագործակցութեան վերաբերող:

Անոր խօսքով` ամենակարեւորը իրեն համար այն է, որ ուր ալ մարդ երթայ, պէտք է առաջին հերթին ստեղծէ խաղաղասիրութեան մթնոլորտ. «Իսրայէլը գնաց խաղաղ գործընթացի, երբ համոզուեցաւ, որ հարեւաններու դպրոցներուն մէջ չեն սորվեցներ սպաննել, եւ քանի դեռ այդ ամէնը չէ դադրած, ինչ-որ պայմանաւորուածութիւններու երթալը ոչինչի կը հասցնէ, առաջին քայլը միշտ պէտք է ըլլայլ ընկերութիւն, փոխհասկացուածութիւն մարդոց միջեւ»:

Անդրադառնալով ատրպէյճանական մամուլին մէջ իր այցի մասին յայտնուած նիւթերուն` Էսքին ըսած է. «Կ՛ուզեմ յատուկ շնորհակալութիւն յայտնել ատրպէյճանական մամուլին, իմ այցիս մասին այդքան գրելու համար: Անոնք իմ այցս լայնօրէն լուսաբանեցին, ատիկա հրաշալի PR էր, եւ ամէնուր իմ անունս ճիշդ գրեցին, Աւիգթոր Էսքին: Նախապէս միշտ սխալ կը գրէին «գ»-ի փոխարէն «բ»: Գրեցէք, սիրելիներս, գրեցէք: Ես նոյն խաղաղութիւնն ու բարին ատրպէյճանցիներուն կը մաղթեմ»:

Անոր խօսքով` միեւնոյն ժամանակ Ատրպէյճանի նախագահն ու փոխնախագահը իրենց մօտ կ՛ընդունին ռուս յայտնի քաղաքական, հասարակական գործիչ, լրագրող եւ հրապարակախօս Ալեքսանդր Պրոխանովը, որ կը խօսի միայն ատելութեան ու թշնամութեան մասին, մարդու մը, որուն վրայ Ռուսիոյ մէջ կը ծիծաղին:

«Ես խօսած եմ միայն այն լաւ բաներուն մասին, ինչի մասին ականատես եղած եմ, թշնամական ոչ մէկ խօսք նոյնիսկ ըսած եմ հակառակ կողմին մասին: Իսկ ի՞նչ կ՛ընեն անոնք, երբ Իսրայէլը այդքան բարի մտադրութիւններ ունի Ատրպէյճանի նկատմամբ, ատիկա բոլորին յայտնի է: Միայն այն բանի համար, որ ցանկացած եմ Արցախի մէջ սեղմել ընկերներուս ձեռքը, Ատրպէյճանի մէջ զիս կը  յայտարարեն «անցանկալի անձ»: Եթէ առաջինը երթայի Ատրպէյճան, զիս Հայաստան պիտի չընդունէի՞ն, կ՛ընդունէին ի հարկէ: Առաջին հերթին պէտք է հասնիլ անոր, որ Կովկասի մէջ ըլլայ փոխվստահութեան ու յարգանքի մթնոլորտ: Ինծի հետ տեղի ունեցածը բոլոր կանոններու ակնյայտ խախտում էր»,- ընդգծած է իսրայէլցի հասարակական գործիչը:

Լրագրողներու հարցումին` թէ ի՞նչ կը մտածէ ապրիլեան պատերազմի մասին,  եւ իր կարծիքով, Ատրպէյճանի մէջ ի՞նչ կ՛ուզեն, ան պատասխանած է. «Քաղաքականութիւնը շատ բարդ բան է: Ես կը կարծեմ յետխորհրդային շատ երկիրներու մէջ, եւ Ուքրանիոյ, եւ Ռուսիոյ, եւ Ատրպէյճանի մէջ բռնութեան ներքին ճգնաժամ կայ, որ տարբեր կերպով կը դրսեւորուի: Ես ամբողջական տեղեկատուութիւն չունիմ, թէ ինչ կը կատարուի ատրպէյճանցիներուն մէջ, բայց բոլորս պէտք է երախտապարտ ըլլանք հայերուն, որ անոնք կարեւոր դեր խաղացին, այդ պատերազմը դադրեցնելու համար: Սա ոչ միայն իմ կարծիքս է, այլ իսրայէլցի իմ շատ մը ընկերներուս»:

Վերջաւորութեան քաղաքագէտը աւելցուց. «Ես իմ բոլոր ընկերներուս թէ Մոսկուայի, թէ Իսրայէլի, եւ ընդհանրապէս բոլորին կոչ կ՛ընեմ` այցելեցէ՛ք Արցախ, գացէ՛ք այնտեղ իբրեւ հիւրեր, զբօսաշրջիկներ: Այս կոչը ըրած եմ նաեւ իմ ֆէյսպուքեան էջիս մէջ»:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...