News

12
Jul

«Այցելիր Երեւան-2800» Խորագիրով Լուսանկարչական Ցուցահանդէս Կլենտէյլի Մէջ

940644

ԱՄՆ Քալիֆորնիա նահանգի Կլենտէյլ քաղաքի Կեդրոնական գրադարանի եւ արուեստի կեդրոնին մէջ, Յուլիս 13-23 պիտի իրականացուի լուսանկարներու ցուցահանդէս՝ նուիրուած Երեւանի հիմնադրման 2800-ամեակին: Ցուցահանդէսը կ՝իրականացուի Երեւանի քաղաքապետարանի զբօսաշրջութեան բաժինին նախաձեռնութեամբ:

Ըստ Armenpress.am-ի՝ Երեւանի քաղաքապետարանի զբօսաշրջութեան բաժինի պետ Գէորգ Օրբելեան, որ այժմ կը գտնուի Կլենտէյլ, նշած է, որ «Այցելիր Երեւան-2800» խորագիրին տակ իրականացուող ցուցահանդէսին ներկայացուած են մայրաքաղաքին վերաբերող լուսանկարներ:

«Ցուցահանդէսին ներկայացուած են շուրջ 50 լուսանկար՝ պատկերուած 19-րդ դարու վերջը եւ 20-րդ դարու սկիզբը, նաեւ խորհրդային ժամանակաշրջանէն մինչեւ մեր օրերու Երեւանը: Հին ու խորհրդային շրջանի լուսանկարներու բնօրինակները այսօր ալ կը պահպանուին Երեւանի պատմութեան թանգարանի հաւաքածուներուն մէջ եւ արտատպուած են յատուկ այս ցուցահանդէսին համար»,- ըսած է Գէորգ Օրբելեան:

Ցուցահանդէսին պաշտօնական բացումը պիտի կայանայ Յուլիս 13-ին, սակայն արդէն երկու օր է, որ անիկա բաց է այցելուներու համար: Գէորգ Օրբելեան նշած է, որ  ցուցահանդէսին նկատմամբ մեծ հետաքրքրութիւն կայ ե՛ւ հայ համայնքին, ե՛ւ Լոս Անճելըս բնակող այլ ազգերու մէջ:

«Ցուցահանդէսի այցելուներէն ստացած ենք բաւական դրական արձագանգներ: Շատերը կը հետարքրուին, թէ ուր կը գտնուի Երեւանը, ինչ զբօսաշրջային հնարաւորութիւններ ունի: Կ՝ակնկալենք, որ այս ցուցահանդէսին միջոցով պիտի բարձրանայ Երեւանի ճանաչելիութիւնը եւ հետաքրքրութիւնը մեր երկրի մայրաքաղաքին հանդէպ, որ իր հերթին պիտի նպաստէ զբօսաշրջութեան զարգացման»,- ըսած է Գէորգ Օրբելեան:

Ցուցահանդէսի պաշտօնական բացման կ՝ակնկալուին բազմաթիւ հիւրեր:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...