News

28
Jan

Աշխատանքով Ապահովել Զինհաշմանդամները. ՀՀ Նախագահը Յայտարարեց «Հայրենիքի Պաշտպան» Նախաձեռնութեան Սկիզբը

ՀՀ նախագահ Արմէն Սարգսեան՝ նախագահական նստավայրին մէջ Բանակի օրուան առիթով պարգեւատրման հանդիսաւոր արարողութեան ընթացքին՝ յայտարարեց ծառայութեան ընթացքին հաշմանդամ դարձած անձերը աշխատանքով ապահովելու նոր ծրագիրի մը մեկնարկին մասին: Այս մասին կը հաղորդէ Armenpress.am-ը։

Հանրապետութեան նախագահի հիմնարկը՝ կառավարութեան, պաշտպանութեան եւ առողջապահութեան նախարարութիւններուն հետ համատեղ աշխատանքով՝ առաջարկած է ծրագիր, որ կը կոչուի «Հայրենիքի պաշտպան»:

«Ծրագիրը ուղղուած է օժանդակելու այն անձերուն, որոնք վտանգած են իրենց կեանքը ծառայութեան ընթացքին եւ անոր պատճառով հաշմանդամ դարձած: Այդպիսի անձերու, հայրենասէր զաւակներու թիւը, ցաւօք սրտի, քիչ չէ: Եւ ի հարկէ այդ անձերը լրիւ իրաւունք ունին ոչ միայն յարգուելու, սիրուելու, այլեւ շարունակելու մասնակից դառնալ մեր հասարակական, քաղաքական, տնտեսական կեանքին: Հետեւաբար, «Հայրենիքի պաշտպան» նախաձեռնութիւնը նպատակ ունի օժանդակելու զինուորական ծառայութեան ընթացքին հաշմանդամութեան կարգ ստացած զինծառայողներուն, գտնելու նրանց համար աշխատանք: Այսինքն, նախաձեռնութիւնը պէտք է կապող օղակ ըլլայ բանակին մէջ ծառայած, հաշմանդամութիւն ստացած անհատներուն, բանակի եւ միւս կողմէն պետական կառոյցներուն, հասարակական, բարեգործական կառոյցներուն, գործարարներու հետ»,- պարզաբանած է ՀՀ նախագահը:

Մօտակայ շրջանին՝ Հայաստանի Հանրապետութեան նախագահի աշխատակազմէն ներս՝ աշխատանքի պիտի ընդունուին զինուորներէն երկու-երեքը, որոնք հաշմանդամութիւն ունին: «Անոնք հաւանաբար եւ ֆիզիկական դժուարութիւններ ունին այսօր, բայց անոնցմէ իւրաքանչիւրը պայծառ անձնաւորութիւն է եւ համապատասխան օգնութեան, կրթական ծրագիրի միջոցով անոնք կրնան վերադառնալ կեանք, դառնալ լիարժէք մարդ, ոչ միայն թոշակ ստանալ, այլեւ մասնակցիլ կեանքին, իրենց զգալ շատ վստահ եւ, ի հարկէ, իրենք իրենց ձեռքով լուծել իրենց առջեւ ծառացած խնդիրներ՝ սկսեալ նիւթականէն մինչեւ անձնական կեանք: Եւ այդ ծրագիրէն մեր առաջին ծիծեռնակը, բազէն, որուն ընդունած ենք աշխատանքի, Գոռ Դարմանեանն է, որ պատերազմի մասնակից է, հերոս, հաշմանդամ, որ այսօր կ՝աշխատի Հանրապետութեան նախագահի աշխատակազմին մէջ»,- նշած է Արմէն Սարգսեան:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...