News

02
Mar

Ապարան. Ծանօթանանք Հայաստանի Հանրապետութեան Քաղաքներուն եւ Գիւղերուն (լուսանկարներ)

Aparan

Ապարանի անուանումը տեղացիները կը կապեն առասպելի հետ, որուն համաձայն, Արագած լերան 4 գագաթին անպարան կախուած եղած է Գրիգոր Լուսաւորիչի արտասուքով լեցուած կանթեղը: Կը պատմեն, որ անիկա երբեք չի մարիր, բայց զայն կրնան տեսնել միայն ազնիւ ու արդար մարդիկ: Անպարան կախուած կանթեղն ալ հիմք հանդիսացած է բնակավայրի Անպարան անուանումին համար, իսկ յետագային այն աստիճանաբար դարձած է Ապարան:

Բնակավայրը յիշատակուած է դեռ 2-րդ դարէն` Քասախ անունով: Անիկա եղած է պատմական Հայաստանի Նիգ գաւառի կեդրոնը` Գնթունեաց նախարարական տան նստավայրը: Քաղաքի անուան այլ ստուգաբանութեամբ մը` անիկա 10-րդ դարուն կոչած են Ապարան` «պալատ» իմաստով:

Ապարանը շատ իւրօրինակ շունչ ունեցող քաղաք է, որ աւելի շատ կը յիշեցնէ գիւղաքաղաք:

Քաղաքին շունչը զգալու համար պէտք է այցելել անոր շուկան, որ մասնաւորապէս կ՝աշխուժանայ, երբ այնտեղ կը հաւաքուին տարէց վաճառականները եւ կը սկսին քննարկել Հայաստանի հասարակական-տնտեսական վիճակն ու ապրուստ վաստակելու ուղիները:

Ապարանը Երեւանէն 59 քմ հեռաւորութեան վրայ է: Այստեղ է, 4-րդ դարու վերջերէն պահպանուած բազիլիկ եկեղեցին՝ «Սուրբ Խաչ»-ը։ Տեղացիներուն խօսքով, անիկա շատ զօրաւոր է, որ այստեղ ամփոփուած է Յիսուս Քրիստոսի խաչափայտին մասունքը։

Ապարանի մէջ է նաեւ Վերածնունդ յուշահամալիր, որ նուիրուած է Բաշ-Ապարանի ճակատամարտին: Բաշ-Ապարանի մէջ, 1918-ին, բնակիչները հերոսաբար կռուած են Ալեքսանդրապոլէն Երեւան շարժող թուրերու դէմ ու կասեցուցած անոնց առաջխաղացումը:

Յուշահամալիրին մօտ կը գտնուի Դրաստամատ Կանայեանի (Դրօ) դամբարանը։ Յիշեցնենք, որ Դրոն եղած է Հայաստանի Առաջին Հանրապետութեան ռազմական նախարարը։

Ապարանը ունի իր Մշակոյթի կեդրոնը եւ թանգարանը։ Թանգարանին մէջ կրնաք տեսնել Պաշ-Ապարանի հերոսամարտին, Արցախեան պատերազմին, ինչպէս նաեւ քաղաքային կեանքին, մշակոյթին ու պատմութեան վերաբերեալ ցուցանմուշներ:

Ապարանցիները յայտնի են իրենց հիւրասիրութեամբ: Անոնց նշանաւոր ճաշատեսակն է` «քռչիկ»-ը, որ կը պատրաստեն կաղամբի թուրշիով ու ձաւարով։

Տառերի_պուրակ,_հայոց_այբուբենի_հուշարձան_(3)

574457_10200727719969492_946530221_n

middle_1445588622_2222122

425325_10200727743770087_487261230_n

middle_1445588622_4248190

954618_10200727757330426_329683205_n

75637917

middle_1445588622_7097918

middle_1445588622_3822072

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...