News

13
Apr

Ատիկա Խելայեղ Բարբարոսութիւն էր. Օսքարակիր Քրիստիան Պէյլ Խօսած է Հայոց Ցեղասպանութեան Մասին

kristian baleՀայոց ցեղասպանութեան անպատժելիութիւնը պատճառ դարձաւ ատկէ ետք պատահած ցեղասպանութիւններուն:

Այս մասին Yahoo Movies-ի հետ առցանց հարցազրոյցի ժամանակ յայտարարած է Հայոց ցեղասպանութեան մասին հոլիվուտեան «Խոստումը» ֆիլմի գլխաւոր դերակատար, օսքարակիր դերասան Քրիստիան Պէյլ:

«Նախքան այս ֆիլմը, ես չէի գիտեր Հայոց ցեղասպանութեան մասին: Ատիկա պատմութեան անհաւատալի կարեւոր պահերէն է: Անհետեւողականութեան պատճառով մենք Հայոց ցեղասպանութենէն ետք այդքան նոր ցեղասպանութիւններ ունեցանք, ինչպէս Հոլոքոսթը, Քամպոջայի ցեղասպանութիւնը:

Երբ ես կը կարդայի ֆիլմի սենարը, Հայոց ցեղասպանութեան 100-րդ տարելիցն էր, մարդիկ սկսած էին աւելի շատ բան իմանալ ատոր մասին: Ես կը դիտէի լուրերը եւ կը տեսնէի, թէ ինչպէս «Իսլամական պետութիւն»-ը կը կոտորէ սարի վրայ յայտնուած մարդիկ. այս ֆիլմը կը պարունակէ պատմական ճշմարիտ հատուած, թէ ինչպէս հայերը յայտնուած էի սարի մը` Մուսայ լերան վրայ եւ կը կոտորուէին: Ես չէի կրնար դադրիլ տեսնելէ նմանութիւնը այդ ամէնուն միջեւ: Ատիկա խելայեղ բարբարոսական գործողութիւն էր, չափազանց դաժան եւ յիշաչար, այն, թէ ինչպէս այդքան մարդ սպաննուեցաւ»,- «Արմենփրես»-ի փոխամցմամբ՝ նշած է Պէյլ:

Ան պատմած է, որ ֆիլմին մէջ մարմնաւորած է ամերիկեան Associated Press-ի լրագրող մը: «Դուք գիտէք, թէ որքան կարեւոր է ունենալ լաւ մամուլ: Այլապէս մարդիկ չեն կրնար տեղեկանալ դէպքերու մասին»,- ընդգծած է դերասանը:

Համեմատականներ ընելով մեր օրերուն հետ` Պէյլ կը նշէ Սուրիոյ մէջ տիրող իրավիճակի հետեւանքով սկսած փախստականներու ճգնաժամի մասին: «Հալէպի շուրջ անապատը լի է ոսկորներով: Եղած են բռնի տեղահանութիւններ, որոնք իրականութեան մէջ մահուան երթեր էին, ատոնք հարիւր հազարաւոր մահերու պատճառ դարձան: Շատեր հաստատուեցան Հալէպ: Ներկայիս փախստականներու ճգնաժամ է, եւ մարդիկ Հալէպէն կը փախչին»,- նշած է Պէյլ:

Հոլիվուտեան յայտնի դերասանը պատմած է, որ Հայոց ցեղասպանութեան հարցը սկսած է ուսումնասիրելու ֆիլմի սենարը կարդալէն ետք: Իրեն այս հարցով շատ օգնած է նաեւ «Խոստումը» ֆիլմի արտադրող Էրիկ Էսրաիլեան, որ դերասանին տուած է ֆիլմեր, գիրքեր ցեղասպանութեան մասին: «Ես բախտ չեմ ունեցած հանդիպելու Ցեղասպանութեան ոեւէ վերապրածի, սակայն տեսած եմ անոնց մասնակցութեամբ փաստագրական ֆիլմեր: Անոնց մէջ ես տեսայ այս մարդոց ցաւը, որոնք ստիպուած էին գործ ունենալու մարդոց հետ, որոնք կը պնդէին, թէ անոնց ընտանիքներու պատմութիւնները ճշմարիտ չեն: Ատիկա սիրտ կը կեղեքէ»,- ըսած է ան:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...