News

29
Sep

Ատրպէյճանը Միջազգային Հետախուզում Յայտարարած է Արցախ Այցելած Թուրք Մտաւորականներու Հանդէպ

unnamed

Ատրպէյճանը քրէական գործ յարուցած է չորս թուրք մտաւորականներու դէմ, որոնք, Սեպտեմբեր 22-ին, այցելած էին Արցախի Հանրապետութիւն: Այս մասին, ըստ Armenpress.am-ի, կը յայտնէ ատրպէյճանական ԱՊԱ-ն:

Ատրպէյճանի գլխաւոր դատախազութեան մամուլի ծառայութենէն յայտնած են, որ ակադեմիկոս, գրող Ալի Պայրամօղլուն, աքթիւիստ, հրապարակախօս Սայիտ Չեթինօղլուն, Թուրքիոյ 23-րդ գումարման խորհրդարանի պատգամաւոր Ուֆուք Ուրասը եւ գրող, հեռատեսիլի հաղորդավար Էրոլ Քաթըրճըօղլուն անօրինական կերպով հատած են Ատրպէյճանի սահմանը:

Անոնց դէմ յարուցուած է քրէական գործ՝ Ատրպէյճանի քրէական օրէնսգրքի 318.2 յօդուածով (Ատրպէյճանի Հանրապետութեան պետական սահմանի անօրինական հատում):

Թուրք մտաւորականները կալանաւորելու մասին որոշում ընդունուած է: Ատրպէյճանական լրատուամիջոցներու հաղորդած տեղեկութիւններով` թուրք մտաւորականներու հանդէպ յայտարարուած է միջազգային հետախուզում: Թուրքիոյ իրաւապահ մարմիններուն ուղարկուած է յատուկ գրութիւն` զանոնք ձերբակալելու եւ պատասխանատուութեան ենթարկելու պահանջով:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...