News

11
Oct

Ատրպէյճանը «Նեղսրտած» է Հայաստանի Մէջ Ֆրանսախօս Երկիրներու Գագաթնաժողովի Իրականացման Պատճառով

Հայաստանի մէջ ընթացող ֆրանսախօս երկիրներու միջազգային կազմակերպութեան (ՖՄԿ) գագաթաժողովը չէ վրիպած մեր հարեւաններուն ուշադրութենէն: Մասնաւորապէս, Ատրպէյճանի մէջ կը դժուարանան համակերպուելու այն իրողութեան հետ, որ Հայաստանը նման մեծածաւալ հիւրընկալութիւն կազմակեպած է: Այս մասին կը հաղորդէ Armenpress.am-ը։

Նշենք, որ ՖՄԿ-ն միջազգային ամենամեծ կազմակերպութիւններէն է, որ 84 անդամ ունի աշխարհի տարբեր ցամաքամասերէն: Հայաստանը երկու տարիով կը ստանձնէ ՖՄԿ-ի ղեկավարութիւնը, որ բազմաթիւ հնարաւորութիւններ կ՝ընձեռէ հայկական կողմին ինչպէս կազմակերպութեան ծիրէն ներս, այնպէս ալ կազմակերպութեան առանձին անդամներու հետ նախաձեռնողական քայլեր իրականացնելու համար, որոնք կը նպաստեն տարբեր հարցերու շուրջ յետագայ համագործակցութեան: Այս տեսանկիւնէն յատկանշական է նաեւ Ֆրանսախօս երկիրներու առաջին տնտեսական ֆորումի իրականացումը Երեւանի մէջ:

Միեւնոյն ժամանակ Հայաստանի մէջ է աւելի քան 80 պատուիրակութիւն, ներառեալ 25-էն աւելի պետութեան ղեկավարներու միաժամանակեայ ներկայութիւնը մեծապէս կը նպաստեն Հայաստանի միջազգային հեղինակութեան բարձրացման: Այդ նոյն ծիրէն ներս պէտք է փաստել, որ գագաթնաժողովի բարեյաջող իրականացումը պիտի նպաստէ Հայաստանի՝ իբրեւ յուսալի եւ վստահելի գործընկերոջ ընկալման միջազգային հարթակի վրայ:

Եւ այս ամէնու հենքին նկատելի է նաեւ ատրպէյճանական քարոզչութեան աշխուժացում, որ նպատակ կը հետապնդէ ստուերելու Ֆրանսախօս երկիրներու գագաթնաժողովին կարեւորութիւնը: Մասնաւորապէս, Պաքուի կողմէ շրջանառութեան մէջ դրուած են շարք մը թեզեր, որոնք ոչ միայն կը դիմանան որեւէ քննադատութեան, այլեւ որոշ պարագաներու ծայրայեղութիւններու կը հասնին: Ատրպէյճանի մէջ այս օրերուն կասկածի տակ կը դնեն ոչ միայն «հայ-ֆրանսական պատմական յարաբերութիւններու գոյութիւնը», այլ նաեւ կը յայտարարեն, որ Հայաստանի մէջ նման ձեռնարկի մը իրականացումը «քաղաքական ուղերձ է Ռուսիոյ, որ կ՝ակնարկէ, թէ Հայաստանը արեւմտամէտ քաղաքականութիւն կը վարէ»: Ատրպէյճանի մէջ այս օրերուն շրջանառուող այլ տեսակէտի մը համաձայն՝ «Հայաստանը ամբողջութեամբ մեկուսացուած է եւրասիական ընդելուզումէն»:

Ատրպէյճանական այս քարոզչութիւնը, բնականաբար, իրականութեան հետ որեւէ աղերս չունի: Հայաստանի կողմէ իրականացուող հաւասարակշռման եւ ընդելուզման գործընթացներու փոխլրացման քաղաքականութեան իբրեւ արդիւնք՝ Հայաստանը չունի ընտրութեան խնդիր եւ բաց է ամրապնդելու եւ խորացնելու յարաբերութիւնները բոլոր գործընկերներու եւ բարեկամ երկիրներու հետ: Պաքուին պէտք է յիշեցնել նաեւ, որ Ֆրանսախօս երկիրներու Արեւմուտքի հետ համեմատելը եւս անհեթեթութիւն է. այդ կառոյցը կը միաւորէ տարբեր երկիրներ աշխարհի բոլոր ցամաքամասերէն, ներառեալ՝ Ափրիկէէն եւ Ասիայէն:

 

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...