News

12
Jul

Ատրպէյճանի Յարձակողական Վիճակը Ո՛չ Միայն Հայաստանի, Այլեւ Տարածաշրջանին Մէջ Ժողովրդավարութեան Դէմ է. ՀՀ Վարչապետ

nigol

Հայաստանի մարտահրաւէրներէն է Ատրպէյճանի ոչ կառուցողական քաղաքականութիւնը։ Այս մասին յայտարարեց վարչապետ Նիկոլ Փաշինեան, այսօր առաւօտեան, Պրիւքսէլի մէջ՝ ՆԱԹՕ-ի կեդրոնակայանին մօտ կայացած ճեպազրոյցի մը ժամանակ, կը հաղորդէ Azatutyun.am-ը։

«Ցաւօք սրտի, Հայաստանի մէջ ժողովրդավարութեան առաջխաղացման եւ Հայաստանի մէջ ժողովրդավարական յեղափոխութենէն ետք՝ Ատրպէյճանը աւելի յարձակողական դարձաւ, եւ այս վիճակը միայն Հայաստանի դէմ չէ ուղղուած, ատիկա նաեւ յարձակողական վիճակ է մեր տարածաշրջանին մէջ ժողովրդավարութեան դէմ»,- ըսաւ Փաշինեան:

Ան նաեւ նշեց, որ կ՝ակնկալէ կառուցողական քննարկումներ եւ զրոյցներ՝ անվտանգութեան օրակարգին շուրջ։

Լաթվիայի նախագահ Ռայմոնտս Վէյոնիսի հետ հանդիպման ժամանակ ալ՝ Նիկոլ Փաշինեան մասնաւորապէս ըսաւ․- «Ցաւօք սրտի, վարչապետի պաշտօնը ստանձնելու առաջին իսկ օրերէն ես կը տեսնէի լարուածութեան աճ Լեռնային Ղարաբաղի հետ սահմանին վրայ, ինչպէս նաեւ հայ-ատրպէյճանական սահմանին երկայնքով»։

«Ես կը փափաքէի շեշտել, որ ատրպէյճանական որեւէ յարձակում Հայաստանի դէմ ո՛չ միայն յարձակում է Հայաստանի դէմ, այլ նաեւ յարձակում է ժողովրդավարութեան դէմ։ Ես կը կարծեմ, որ Ատրպէյճանի նախագահը որոշ մտահոգութիւններ ունի, որ ժողովրդավարական գործընթացները կրնան Հայաստանէն տարածուիլ դէպի Ատրպէյճան, եւ որքան կը հասկնամ՝  անոնք կը փորձեն աճեցնել լարուածութիւնը, որպէսզի կանխեն ժողովրդավարական ալիքի տեղաշարժը Հայաստանէն Ատրպէյճան»,- շեշտեց Հայաստանի վարչապետը:

«Եւ ես յոյս ունիմ, որ միջազգային հանրութիւնը շատ ուժեղ ազդակ պիտի յղէ Պաքուին, որ մեր տարածաշրջանին մէջ իրավիճակը սրելու որեւէ փորձ, պատերազմ սկսելու որեւէ փորձ ուժեղ հակազդեցութեան պիտի արժանանայ միջազգային հանրութեան կողմէ»,- յայտարարեց Նիկոլ Փաշինեան:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...