News

05
Sep

Ատրպէյճան Միացեալ Նահանգներուն Բողոքագիր Յղած է` Տէն Պիլզերեանի Ղարաբաղ Այցելութեան Առնչութեամբ

Ատրպէյճանի մէջ Միացեալ Նահանգներու գործերու ժամանակաւոր հաւատարմատարը կանչուած է  Ատրպէյճանի արտաքին գործոց նախարարութիւն, ուր անոր  յանձնած են նախարարութեան բողոքագիրը` ուղղուած ԱՄՆ արտաքին գործոց նախարարութեան` ԱՄՆ քաղաքացի Տէն Պիլզերեանի` Լեռնային Ղարաբաղ այցելութեան առնչութեամբ: Ըստ «Էրմէնիհապեր»-ի՝ այս մասին յայտնած է Ատրպէյճանի ԱԳՆ պաշտօնական ներկայացուցիչ Հիքմեթ Հաճիեւը:

Ըստ Հաճիեւի` ներկայացուած է, թէ Պիլզերեանը Ղարաբաղի մէջ զբաղած է «անօրինական վարչակարգ»ի քարոզչութեամբ, «հակաիրաւական ճանապարհով ձեռք բերած է հրազէն եւ սադրիչ նպատակներով ցուցադրական կրակ բացած Ատրպէյճանի Զինուած ուժերու դիրքերուն ուղղութեամբ»:

Նշուած է նաեւ, որ ԱՄՆ-ի քաղաքացի հանդիսացող  այդ անձի` տեսախցիկի առջեւ «սանձարձակ եւ անկիրթ յայտարարութիւնները կը վնասեն Ատրպէյճանի ու ԱՄՆ-ի միջեւ առկայ բարեկամական յարաբերութիւնների ոգիին»:

Ատրպէյճանցի պաշտօնեային խօսքերով` ատրպէյճանական կողմը կ՛ակնկալէ, որ Միացեալ Նահանգներու կառավարութիւնը ամենայն լրջութեամբ պիտի մօտենայ Պիլզերեանի գործողութիւններու առնչութեամբ իրենց մտահոգութեան:

Յիշեցնենք, որ Օգոստոս 31-ին մամուլի ասուլիսի ժամանակ Հաճիեւը յայտարարած էր, որ  Պիլզերեան պիտի ընդգրկուի Ատրպէյճանի ԱԳՆ «անցանկալի անձերու ցուցակ»ին  մէջ, իսկ Օգոստոս 30-ին Ատրպէյճանի Գլխաւոր դատախազութեան քննչական վարչութիւնը քրէական գործ յարուցած է Պիլզերեանի նկատմամբ:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...