News

13
Feb

Արամ Մանուկեանի Տունը Մեր Լիազօրութեան Շրջանակէն Դուրս է. Երեւանի Քաղաքապետ

daron markarian

Երեւանի աւագանիի այսօրուան նիստին որոշում կայացուած է Երեւան քաղաքի Արամի ու Նալպանտեան փողոցի հատուածին վրայ տեղադրել Արամ Մանուկեանի յուշարձանը: Ըստ PanArmenian.net-ի՝ հարցին վերաբերեալ ելոյթ ունեցած է ԵԼՔ խմբակցութեան անդամ Արայիկ Յարութիւնեանը` յորդորելով վերակառուցել Արամ Մանուկեանի տունը: «Գացէք, տեսէք` Արամ Մանուկեանի տունը ինչ վիճակի մէջ է, մենք մեր մեծերու յուշարձանը չենք պահեր, բայց պաթոսով նոր յուշարձան կը բանանք, վերակառուցեցէք Արամ Մանուկեանի տունը, կ՝ըսէք մեր Առաջին հանրապետութեան վարչապետն է, բայց առաջին հանրապետութիւնը քանդողներու փողոցները ձգեցիք, Միկոյեանի ու Կասեանի փողոցները կը շարունակեն մնալ»,- ըսած է Արայիկ Յարութիւնեան:

Արձագանգած է քաղաքապետ Տարօն Մարգարեանը` նշելով, որ Արամ Մանուկեանի տունը քաղաքապետարանի լիազօրութիւններուն մէջ չի մտներ: «Տունը սեփականութիւն է ու քաղաքապետարանը այդտեղ լիազօրութիւն չունի, եթէ մենք նման լիազօրութիւն ունենայինք, համոզուած եղէք, որ կը վերակառուցէինք»,- ըսած է Տարօն Մարգարեան:

Արայիկ Յարութիւնեան նաեւ յայտարարած է, որ Ելք խմբակցութիւնը դէմ պիտի քուէարկէ նախագիծին:

Յիշեցնենք, որ Երեւանի քաղաքապետարանը 2017-ին որոշում կայացուցած էր` Հայաստանի Առաջին Հանրապետութեան 100-ամեակին առիթով, Հանրապետութեան հրապարակին մօտ` Արամի եւ Նալպանտեան փողոցներու խաչմերուկին վրայ տեղադրել Առաջին հանրապետութեան հիմնադիր, Հայ ազգային-ազատագրական պայքարի մասնակից, պետական, հասարակական գործիչ Արամ Մանուկեանի յուշարձան-կոթողը:

Նշենք, որ Արամ Մանուկեանի արձանի նախագիծին` համացանցի վրայ յայտնուած տարբերակը քննադատութիւներու առիթ դարձած է: Որոշ քննադատներ կը պնդեն, որ արձանին համար յարմար տեղ ընտրուած չէ, ոմանք ալ վստահ են, որ արձանին տեսքը չ՝արտացոլեր Արամ Մանուկեանի կերպարը:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...