News

22
Apr

Արդարութեան Հանրահաւաք՝ Լոս Անճելըսի Թրքական Հիւպատոսարանին Առջեւ

montebello

Այս շաբաթավերջին, Շաբաթ, եւ Կիրակի, Ապրիլ 23-24-ին, հայ ժողովուրդը աշխարհի չորս ծագերուն Հայոց Ցեղասպանութեան 101-րդ տարելիցը պիտի նշէ եկեղեցական արարողութիւններով, յուշահանդէսներով, մշակութային ձեռնարկներով ու ցուցական հաւաքներով, խոնարհելու համար մեր Սուրբ Նահատակներու յիշատակին առջեւ եւ անսասան կամքով պահանջատիրական ձայն բարձրացնելու մեր արդար իրաւունքներուն ի խնդիր:

Սիրելի՛ հայորդիներ,

Կոչ կ՛ուղղենք բոլորիդ, որ խուռներամ ներկայութեամբ մասնակից ըլլաք մեր գաղութի Ցեղասպանութեան ոգեկոչման միացեալ մարմինին թէ հայկական կազմակերպութեանց ու միութեանց նախաձեռնած համագաղութային բոլոր արարողութեանց ու ձեռնարկներուն։

Մասնաւորաբար Շաբաթ, Ապրիլ 23-ի կէսօրուան ժամը 1-3, Մոնթեպելլոյի Նահատակաց յուշարձանին առջեւ (Bicknell Park, 901 Via San Clemente, Montebello, 90640) տեղի պիտի ունենայ մեր սրբադասեալ նահատակներու յիշատակին նուիրուած արարողութիւն եւ ոգեկոչման հաւաք։ Իսկ Կիրակի, Ապրիլ 24-ին, Արեւմտեան թեմի բոլոր եկեղեցիներուն մէջ Ս. պատարագ պիտի մատուցուի՝ ի յիշատակ սուրբ նահատակներուն: Թեմիս առաջնորդ Մուշեղ արք. Մարտիրոսեան պիտի նախագահէ Հոլիվուտի Ս. Կարապետ Մայր եկեղեցւոյ Ս. պատարագին եւ պիտի ուղղէ իր պատգամը: Ինչպէս ծանօթ է, մեր եկեղեցին անցեալ տարի, Ցեղասպանութեան 100-ամեակին, սրբադասեց մեր մէկուկէս միլիոն նահատակները: Այսուհետեւ, մեր աղօթքներով անոնց բարեխօսութեան պիտի դիմենք, որովհետեւ մեր եկեղեցւոյ կանոններուն համաձայն՝ սուրբերու յիշատակին հոգեհանգիստ չի կատարուիր:

Կիրակի, յետմիջօրէի ժամը 1-ին, տեղի պիտի ունենայ Արդարութեան հանրահաւաք՝ Լոս Անճելըսի թրքական հիւպատոսարանին առջեւ (6300 Wilshire Blvd., Los Angeles, 90048):

Վստահ ենք, որ ինչպէս անցեալ տարի, այս տարի եւս, յատկապէս Կիրակի օր, մեր ժողովուրդը միահամուռ կերպով ու մեծաթիւ ներկայութեամբ արձագանգ պիտի հանդիսանայ Հայաստանէն ու այլ օճախներէ բարձրացող պահանջատիրութեան ձայնին, մանաւանդ որ դեռ վերջերս, Ապրիլի առաջին օրերուն, նո՛յն ցեղասպանին լծակցութեամբ, Ատրպէյճան դաւադիր յարձակում գործեց Արցախի վրայ, ու հայրենի հողի պաշտպանութեան մարտերուն մէջ ինկած նահատակները գացին միանալու մեր բիւրաւոր նահատակներուն:

ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...