News

31
Jul

«Արդար Հայրենիք, Հզօր Հայաստան» Բանակումը Բիւրականի Մէջ

Lempan1_72917

Յուլիս 29-ի առաւօտեան ժամը 3:00-ին, 130 ԼԵՄ-ականներ եւ տասնեակ մը ՀԵՄ-ականներ հասան Բիւրականի բանակավայր` մասնակցելու համար ԼԵՄ-ի Կեդրոնական վարչութեան կազմակերպած բանակումին: Այս մասին կը հաղորդէ Լիբանանի «Ազդակ» օրաթերթը։

Բանակումի կարգախօսն է «Արդար հայրենիք, հզօր Հայաստան»: Բանակողները բաժնուեցան խումբերու, որոնք կոչուած են արցախեան ազատագրական պայքարին մասնակցած ազատամարտիկ ընկերներու անուններով:

Նոյն օրը, առաւօտեան ժամը 9:00-ին կատարուեցաւ բանակումի բացման արարողութիւնը, որուն ընթացքին հերթապահ ընկերներ Վաչէ Բրուտեան, Հարմիկ Յովսէփեան եւ ՀՅԴ ԼԵՄ-ի Կեդրոնական վարչութեան ատենապետ Յարութ Լափաճեան ուղղեցին իրենց բարի գալուստի խօսքերը:

Սոյն բանակումը իւրայատուկ դպրոց մը պիտի հանդիսանայ մասնակիցներուն մտային, գաղափարական, ինչպէս նաեւ  ֆիզիքական դաստիարակութեան առումով: Ծրագիրը ընդհանուր գիծերու մէջ կ՛ընդգրկէ դասախօսական շարք մը, որ կ՛ընդգրկէ ՀՅԴ ծրագիրի հոլովոյթը, վերանկախացած Հայաստանի դիմագրաւած խնդիրները, ՀՅԴ երիտասարդական միութիւններու ներազգային ու միջազգային գործունէութեան հորիզոնները եւ դիմագրաւած ներկայի մարտահրաւէրները, ՀՅԴ-ի գործունէութիւնը Հայաստանի մէջ (ներկայի մարտահրաւէրներ  եւ   ապագայի ծրագիրներ), Հայաստանի մէջ գործարարութեան նախաձեռնութեան ձեւերու եւ տարբեր տեսակի գործի առիթներու ներկայացում, հայկական յեղափոխական եւ ազգագրական երգերու ներկայացում եւ այլն: Բանակումը կ՛ընդգրկէ նաեւ այլ դաստիարակչական ծրագիրներ, մարզական յայտագիրներ, արշաւներ եւ պտոյտներ:

Յաւելեալ տեղեկութիւններու համար կարելի է հետեւիլ ԼԵՄ-ի Դիմատետրի էջին եւ «Ազդակ»-ի մէջ յառաջիկային լոյս տեսնելիք լրատուութիւններուն:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...