News

10
Aug

Արդուինի Միջնադարեան Ամրոցը Զբօսաշրջիկներու Համար Բաց պիտի Ըլլայ

Մեծ Հայքի Տայոց աշխարհին մէջ գտնուող Արդուինի (Արթուին) միջնադարեան ամրոցը՝ Ճորոխ գետի ափին, պիտի բացուի զբօսաշրջիկներու համար, կը հաղորդէ westernarmeniatv.com-ը:

Արդուինի ամրոց այցելելը նախապէս արգիլուած էր, քանի որ կը գտնուէր ռազմական տարածքի մէջ, բայց այժմ անիկա կը պատրաստուին բանալու բոլորի համար:

Նշենք, որ Արդուինը դարեր շարունակ հայաբնակ եղած է: 9-11-րդ դարերուն Արդուինը կը մտնէր Բագրատունիներու իշխանութեան, 11—13-րդ դարերուն` Վրաց Բագրատունիներու թագաւորութեան մէջ, 13 դարու 30-ական թուականներուն զայն գրաւած են մոնղոլ-թաթարները, իսկ 1555 թուականին` օսմանեան թուրքերը:

20-րդ դարու սկիզբը անոր ամբողջ բնակչութիւնը 8000 շունչ էր, որմէ մօտ 7000-ը` հայեր: 1921-ին, երբ Արդուինը նորէն անցաւ Թուրքիոյ, հայերը գաղթեցին եւ վերաբնակեցան Վրաստանի, Աբխազիոյ եւ Սովետական Հայաստանի մէջ:

Հայերը մեծաւ մասամբ կը զբաղէին արհեստներով ու առեւտուրով: Ամենատարածուած արհեստներէն էին մանածագործութիւնն ու ջուլհակութիւնը, փայտամշակումը` հիւսնութիւնն ու ատաղձագործութիւնը:

20-րդ դարու սկիզբներուն ունէր 5 եկեղեցի` Ս. Աստուածածին, Պօղոս–Պետրոս, Գր. Լուսաւորիչ, Ս. Խաչ եւ առաքելական Ս. Աստուածածին անունները: Իւրաքանչիւր եկեղեցւոյ կից 19-րդ դարու վերջերը եւ 20-րդ դարու սկզիբները կար դպրոց:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...