News

12
Jul

«Արմէնփրես»-ի Տնօրէնին Աշխատանքային Հանդիպումները Լիբանանի Մէջ

Ananian_Catholicosate_71118

Արամ Ա. Կաթողիկոս Ընդունեց
«Արմէնփրես»-ի Տնօրէնը

Երեքշաբթի, 10 Յուլիս 2018-ի երեկոյեան, Պիքֆայայի Ս. Աստուածածին վանքի վեհարանին մէջ, Արամ Ա. վեհափառ հայրապետը ընդունեց «Արմէնփրես»-ի տնօրէն Արամ Անանեանը: Հանդիպումին ներկայ էին կաթողիկոսարանի տեղեկատուական բաժանմունքի վարիչ Պետրոս վրդ. Մանուէլեան, յիշեալ բաժանմունքի վարիչի օգնական Յովակիմ աբղյ. Բանճարճեան, ինչպէս նաեւ «Ազդակ», «Զարթօնք» եւ «Արարատ» օրաթերթերու խմբագիրները:

Հանդիպումը առիթ մը եղաւ քննարկելու ընդհանրապէս Հայաստանի ներկայ կացութիւնը, Հայաստան-սփիւռք գործակցութիւնը եւ յատկապէս հայ մամուլին դերն ու անոր դիմագրաւած մարտահրաւէրներն ու դժուարութիւնները` թէ՛ Հայաստանի եւ թէ՛ սփիւռքի մէջ: Վեհափառ հայրապետը շեշտեց, որ հայ մամուլը հայ եկեղեցւոյ ու հայ դպրոցին կողքին գործօն դերակատարութիւն ունի հայապահպանման համազգային առաքելութեան մէջ եւ այս ծիրին մէջ ընդգծեց Հայաստան-սփիւռք գործակցութեան կարեւորութիւնը:

Երեսփոխան Բագրատունի Ընդունեց
«
Արմէնփրես»-ի Տնօրէնը

Աշխատանքային այցելութեամբ Լիբանան գտնուող հայրենի «Արմէնփրես» լրատու գործակալութեան տնօրէն Արամ Անանեան այցելեց ՀՅԴ Լիբանանի Կեդրոնական կոմիտէի եւ Հայկական երեսփոխանական պլոքի ներկայացուցիչ Յակոբ Բագրատունիին:

Արամ Անանեան ներկայացուց «Արմէնփրես»-ի  ընդհանուր գործունէութիւնը` կեդրոնանալով սփիւռքեան եւ այս պարագային լիբանանահայ կեանքին վերաբերող լրատուութիւնները ներառելու աշխատանքներուն վրայ: Ան ընդգծեց, որ արդէն որոշ ճամբայ կտրած է լիբանանահայ լրատուամիջոցներու հետ «Արմէնփրես»-ի համագործակցութիւնը:

Յակոբ Բագրատունի բարձր գնահատեց «Արմէնփրես»-ի եւ լիբանանահայ մամուլին միջեւ արդիւնաւէտ համագործակցութիւնը, ապա զրուցակիցները անդրադարձան յատկապէս տպագիր մամուլի դիմագրաւած դժուարութիւնները յաղթահարելու տարբեր միջոցներուն:

Մամլոյ Հարցերու Քննարկում`
Հայաստանի Հանրապետութեան Դեսպանատան Մէջ

Տպագիր մամուլին առջեւ ծառացած խնդիրներու յաղթահարման ուղիներու քննարկում տեղի ունեցաւ նաեւ Հայաստանի Հանրապետութեան դեսպանատան մէջ: «Արմէնփրես»-ի տնօրէնն ու հայ քաղաքական երեք կուսակցութիւններու պաշտօնաթերթերու խմբագիրները նախ դեսպան Մկրտչեանին զեկուցեցին «Արմէնփրես»-լիբանանահայ մամուլ համագործակցութեան ուղիին մասին եւ ապա ներկայացուցին միջազգային տագնապը եւ բնականաբար հայ տպագիր մամուլին այսօրուան իրավիճակը, լրագրական մարդուժին հետ կապուած դժուարութիւնները:

Այս ուղղութեամբ խորհրդակցութիւններու ձեւաչափը աւելի ընդլայնելու եւ յատուկ խորհրդաժողով կազմակերպելու անհրաժեշտութիւնը ընդգծուեցաւ բոլորին կողմէ: Դեսպան Մկրտչեան իր հերթին ողջունեց կայացած համագործակցութիւնը եւ ընդգծեց համահայկական լրատուադաշտին հետ կապուած խնդիրներու լուծման համար  համակարգուած ձեւով աշխատելու հրամայականը:

«Ազդակ» (Լիբանան)

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...