News

14
Jan

Արցախը Միջազգային Տարբեր Գործընթացներու Մէջ Ներգրաւելու Համար Ծրագիրներ Կ՝իրականացնենք. ԱԳ նախարար

2018-ին ընդլայնուած է Արցախի ապակեդրոնացուած համագործակցութեան աշխարհագրութիւնը:

 

Այս մասին, ըստ Artsakhpress.am-ի, Յունուար 14-ին կայացած մամուլի ասուլիսի ժամանակ ըսած է ԱՀ արտաքին գործոց նախարար Մասիս Մայիլեան՝ մանրամասնելով, որ անցեալ տարուան ընթացքին Արցախի եւ օտար պետութիւններու վեց քաղաքներու միջեւ ստորագրուած են համագործակցութեան յուշագրեր:

 

«Այդ քաղաքներէն չորսը ֆրանսական են, երկուքը՝ Մերձաւոր Արեւելքէն: Շնորհիւ կնքուող յուշագրերուն՝ 2018-ի ընթացքին Արցախի տարբեր համայնքներու մէջ իրականացուած են ծրագիրներ կրթութեան, ենթակառուցուածքներու ստեղծման, գիւղատնտեսութեան, զբօսաշրջութեան ոլորտներէն: Կազմակերպուած է նաեւ հինգ օտար քաղաքապետերու այց Արցախ, եւ այդ ընթացքին եղած են քննարկումներ, նախանշուած են համագործակցութեան հեռանկարներն ու ընելիքները: Կան նաեւ այլ համաձայնութիւններ»,- նշած է Մ. Մայիլեան:

 

ԱԳ նախարարի խօսքով՝ գերատեսչութիւնը կարեւոր կը համարէ միջազգային համագործակցութիւնը եւ կ՝իրականացնէ ծրագիրներ, որպէսզի Արցախը ներգրաւուած ըլլայ միջազգային տարբեր գործընթացներու մէջ:

 

«Մեր աջակցութեամբ կազմակերպուած են Արցախի տարբեր պատուիրակութիւններու այցեր` թէ՛ գործադիր եւ թէ՛ օրէնսդիր իշխանութիւններու մակարդակով: Անցնող տարուան ընթացքին՝ ԱՀ Նախագահի գլխաւորութեամբ՝ պատուիրակութիւն մեկնած է Ուաշինկթըն. այցը շատ արդիւնաւէտ էր: Հանդիպումներ կային պաշտօնական մակարդակով, Սփիւռքի ներկայացուցիչներու հետ: Տարբեր գերատեսչութեան ղեկավարներ այցելած են Եւրոպա եւ Մերձաւոր Արեւելք` ձեռք բերելով գործնական համաձայնութիւններ: Ընդունած ենք պատուիրակութիւններ Աբխազիոյ եւ Հարաւային Օսեթիոյ Հանրապետութիւններէն, ինչպէս նաեւ Մերձդնեստրի Մոլտովական Հանրապետութենէն՝ փոխվարչապետի գլխաւորութեամբ եւ այստեղ առաջին անգամ ստորագրուած է պայմանագիր առեւտրային ներկայացուցչութիւններ հիմնելու վերաբերեալ, որ ներկայիս հաստատման փուլի մէջ է: Գերատեսչութիւնը կ՝աջակցի նաեւ խորհրդարանական դիւանագիտութեան զարգացման: Մասնաւորապէս՝ անցեալ տարի՝ Ֆրանսա այցելած է Ազգային ժողովի նախագահ Աշոտ Ղուլեան, շարք մը պատգամաւորներ՝ ԱՄՆ, Եւրոպա, եւ այլ երկիրներ: Մենք եւս ընդունած ենք տարբեր պատգամաւորներ` Եւրոպական խորհրդարանէն, Կիպրոսէն, Ֆրանսայէն, Պելճիքայէն եւ Քալիֆորնիայէն»,- աւելցուցած է Մ. Մայիլեան:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...