News

14
Jun

Արցախի Ժողովուրդը Քաղաքական Ինքնագիտակցութեան Բարձր Մակարդակ Ունի. Դաւիթ Բաբայեան

tavit

Արցախի մէջ տեղի ունեցած վերջին իրադարձութիւնները շատ հետաքրքրական են, սակայն անոնց գնահատման համար անհրաժեշտ է գործընթացները խորապէս հասկնալ: Այս մասին, ըստ News.am-ի, ըսաւ Արցախի նախագահի մամուլի քարտուղար Դաւիթ Բաբայեան:

Անոր խօսքով՝ իրավիճակը անհրաժեշտ է դիտարկել 3 հարթութեան վրայ՝ իրաւական, պետականաշինութեան եւ ներքաղաքական ոլորտներ, պայքարի մարտավարութիւն եւ ռազմավարութիւն: «Իրաւական տեսանկիւնէն իրադարձութիւնները կը հաստատեն, որ Արցախը կայացած պետութիւն է, ուր երաշխաւորուած են քաղաքացիներու խօսքի եւ ընտրութեան ազատութեան իրաւունքները: Հակառակ թիւին՝ քանի մը տասնեակ կամ նոյնիսկ մէկ մարդ, կրնան բողոքի ցոյցեր կազմակերպել, պահանջել նախագահի հրաժարականը: Հարցը ցուցարարներուն թիւը չէ: Բոլոր ցոյցերը կարգաւորելի են, եթէ անոնք, բնականաբար, կ՝անցնին օրէնքի շրջանակէն ներս: Արցախի մէջ ժողովրդավարական հիմնարկները լիակատար կ՝աշխատին»,- յայտարարեց Դաւիթ Բաբայեան:

Ըստ անոր՝ պետականաշինութեան տեսանկիւնէն իրադարձութիւնները կը ցուցադրեն օրէնքի գերակայութիւնը։ «Ոչ ոք կրնայ ինքզինք օրէնքէն վեր դասել: Բոլորը պէտք է օրէնքը յարգեն: Ասիկա պետութեան ուժն է: Իսկ Արցախը ամբողջ հայութեան հպարտութիւնն է»,- նշեց Բաբայեան:

«Ինչ կը վերաբերի ներքաղաքական պայքարին, մարտավարութեան ու ռազմավարութեան, ակնյայտ է, որ ուժեր կան, որոնք չեն կրնար համբերել մինչեւ 2020 թուական: Ոմանք կը փորձեն իրավիճակը տատանել: Հարցը բուն պահանջները չեն, այլ այն, թէ ինչու կը բարձրաձայնուին հիմա: Արցախի նախագահ Բակօ Սահակեան՝ քանի մը օր առաջ լրատուամիջոցներու հետ զրոյցի մը ընթացքին ըսաւ, որ մտադիր չէ 2020 թուականին առաջադրուելու: Սկզբունքօրէն այլ կերպ չէր ալ կրնար ըլլալ: Սակայն, ասիկա կը սասանէ որոշակի ուժերու ոտքերու տակի հողը: Անոնց ամբողջ պայքարը կը կառուցուի գործող իշխանութիւններու քննադատութեան վրայ: Ղարաբաղի ժողովուրդը շատ բան կրնայ  ներել, սակայն չի ներեր օրէնքի խախտումը եւ անարդարութիւնը: Եթէ խախտում չկայ՝ այս ուժերը բողոքարկելու բան ալ չունին, կը բացակայի նախադրեալը, որ քաղաքական շահաբաժիններ վաստակին: Ասիկա գիտակցելով՝ անոնք կը փորձեն հիմա պահանջներ ներկայացնել»,- նշեց Դաւիթ Բաբայեան: Ան, միաժամանակ, շեշտեց, որ Արցախի ժողովուրդը քաղաքական բարձր ինքնագիտակցութիւն ունի եւ չի դիմեր իրավիճակի շահարկումներու եւ տատանման:

Յիշեցնենք, որ բողոքի ցոյցերուն պատճառը ԱԱԾ աշխատակիցի հետ տեղի ունեցած միջադէպն էր: Ինչպէս կը պնդեն լաւատեղեակ մարմինները, միջադէպը ունեցած է կենցաղային բնոյթ:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...