News

13
Dec

Արցախի Հայկազեան Գիւղը Նոր Դպրոց Պիտի Ունենայ

haygazyan school in artsakh

Արցախի Հանրապետութեան պետական պիւտճէի ֆինանսաւորումով Քաշաթաղի շրջանի Հայկազեան համայնքին մէջ նոր դպրոց պիտի կառուցուի:

 «Արցախփրես»-ի փոխանցմամբ՝ Արցախի քաղաքաշինութեան նախարարութեան աշխատակից Լեւոն Եարոյեան ըսած է, որ դպրոցի շինարարական աշխատանքները սկսած են 2015 թուականէն:

«Նորակառոյց դպրոցը նախատեսուած է 120 աշակերտի համար. ան ժամանակակից չափանիշներուն եւ երկրաշարժական անվտանգութեան կանոններուն համապատասխան քառայարկ շինութիւն է` ներառեալ նաեւ նկուղային ու ձեղնայարկ, որուն մէջ դպրոցը պիտի ունենայ  ձեռնարկներու դահլիճ:

Այժմ կառուցուած է շէնքի տանիքը, տեղադրուած են լուսամուտներն ու դռները, աւարտած երեսպատման աշխատանքները»,-ըսած է Եարոյեան եւ աւելցուցած, որ գալիք տարուան մէջ աշխատանքներ պիտի կատարուին շէնքի արտաքին յարդարման,  ներկարարութեան եւ դպրոցի տարածքի բարեկարգման ուղղութեամբ:

Անոր խօսքով` շէնքի շինարարական աշխատանքները պիտի աւարտին մինչեւ 2018 թուականի Սեպտեմբեր 1:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...