News

05
Jun

Արցախի Մէջ Իրավիճակը Հանգիստ է, Կեանքը Բնականոն Հունով Կ՝ընթանայ. Դաւիթ Բաբայեան

david

Արցախի մէջ իրավիճակը հանգիստ է, ցուցարարները կը շարունակեն հետեւիլ ՀՀ վարչապետ Նիկոլ Փաշինեանի՝ ցոյցերը դադրեցնելու կոչին:

Ըստ Armenpress.am-ի՝ Արցախի նախագահի մամուլի խօսնակ Դաւիթ Բաբայեան յայտնած է, որ Արցախի մէջ կեանքը կը շարունակուի իր բնականոն հունով:

«Պէտք է ըսեմ, որ այս օրերուն եւս Արցախի մէջ, ընդհանուր առմամբ, իրավիճակը հանգիստ եղած է, չեն խաթարուած բնականոն կեանքը, տարբեր կառոյցներու գործունէութիւնը: Այսօր ալ, որքան տեղեակ եմ, ցոյցեր չկան, ճանապարհները բաց են, ամէն ինչ բնական է, այս պահուն միայն յորդառատ անձրեւ է գալիս»,- ըսած է Դաւիթ Բաբայեան:

Հայաստանի Հանրապետութեան վարչապետ Նիկոլ Փաշինեան, Յունիս 4-ին, անդրադարձած է Արցախի մէջ ստեղծուած իրավիճակին, ուր քանի մը օր է՝ ցոյցեր տեղի կ՝ունենային ուժային կառոյցներու աշխատակիցներու ներգրաւումով ծեծկռտուքի պատճառով: Ան անընդունելի համարած է խնդիրները բռնութեամբ լուծելու ցանկացած փորձ՝ անկախ անկէ, թէ ատիկա որուն կողմէ կը կիրառուի: Նիկոլ Փաշինեան կոչ ըրած է Ստեփանակերտի մէջ դադրեցնելու բողոքի գործողութիւնները, որպէսզի ցուցարարներու եւ պետական կառոյցներու միջեւ ձեռքբերուած համաձայնութիւնները կեանքի կոչուին:

Արցախի պետական նախարար Արայիկ Յարութիւնեան, Յունիս 4-ին, հանդիպած էր նախաձեռնող խումբին հետ, որուն ընթացքին ձեռք բերուած համաձայնութիւնները ներկայացուած էին փողոցը հաւաքուած ցուցարարներուն: Արայիկ Յարութիւնեան ողջունած էր ներկաները՝ շնորհակալութիւն յայտնելով բոլորին, որոնք բարձրաձայնած էին հանրային հրատապութիւն ունեցող խնդիրներուն մասին: Պետական նախարարը շարժման մասնակիցներուն ներկայացուցած էր նաեւ ՀՀ վարչապետ Նիկոլ Փաշինեանի հնչեցուցած կոչը, ուր ան ցոյցի ելած մարդոց յորդորած էր հնարաւորութիւն տալու իշխանութիւններուն՝ իրագործելու խոստացուած բարեփոխումները: Նախաձեռնող խումբի անդամները ընդառաջած են եւ դադրեցուցած բողոքի ցոյցը:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...