News

07
Mar

Արցախի Մէջ Պեղումները Կը Շարունակուին

dikranagerdԱրցախի Հանրապետութեան տենտեսութեան նախարարութեան «Պատմական միջավայրի պահպանութեան պետական ծառայութիւն» պետական ոչ առեւտրական կազմակերպութիւն (ՊՈԱԿ) գործառոյթներէն մէկը պահպանուող հնավայրերու տարածքներուն մէջ պեղումներ իրականացնելն է: 2005-էն հնագիտական մեծածաւալ պեղումներ կ՛իրականացուին Տիգրանակերտի մէջ, աւելի առաջ սկսած են Հադրութի շրջանի Ազոխի քարանձաւի պեղումները: Վերջին տարիներուն, հնագիտական պեղումներ կ՛իրականացուին նաեւ Կարկառի, Քաշաթաղի շրջանի Արծուաշէն համայնքի մօտ, Մարտակերտի շրջանի Նոր Հայկաջուր համայնքի եւ Ամարասի վանքի տարածքներուն մէջ:

Հայաստանի մշակոյթի նախարարութեան «Պահպանութեան ծառայութիւն» ՊՈԱԿ-ի հաղորդմամբ, Արցախի Հանրապետութեան «Պատմական միջավայրի պահպանութեան պետական ծառայութիւն» ՊՈԱԿ-ի գիտական աշխատանքներու գծով փոխտնօրէն Նժդեհ Երանեան ըսած է, որ Արցախի տարածքին հնագիտական պեղումները կ՛իրականացուին Արցախի Հանրապետութեան կառավարութեան ֆինանսաւորմամբ: Այս տարի եւս պեղումները պիտի շարունակուին Տիգրանակերտի, Մարտակերտի շրջանի Նոր Կարմիրաւան գիւղին մէջ: 2016-ի վերջին Նոր Կարմիրաւանի մէջ յայտնաբերուած են Ք.ա. առաջին հազարամեակով թուագրուող մարդակերպ կոթողներ:

Ան յոյս յայտնած է, որ այս տարի պիտի կարենան շարունակել նաեւ Ազոխի քարանձաւի ուսումնասիրութիւնը: Տիգրանակերտի եւ Նոր Կարմիրաւանի մէջ պիտի աշխատին տեղական, իսկ Ազոխի քարանձաւին մէջ` միջազգային արշաւախումբերը:

Նժդեհ Երանեանը համառօտ կը ներկայացնէ Տիգրանակէտի պեղումներուն արդիւնքը: «Քանի որ յուշարձանը բազմաշերտ է, հետեւաբար ամենահին գտածոները անտիկ շրջանի են, կը յայտնաբերեն նաեւ միջնադարին վերաբերող առարկաներ` խեցեղէն, հնամարդաբանական նիւթեր, մետաղադրամներ, տարբեր գործիքներ: Գտածոներուն մեծ մասը կ՛ուսումնասիրուի Երեւանի մէջ, եւրոպական երկիրներ կը տեղափոխուի մարդաբանական նիւթը: Ուսումնասիրելէ եւ վերականգնումէ ետք պատմական Տիգրանակերտի գտածոներուն մէկ մասը մշտապէս կը ցուցադրուի Տիգրանակերտի հնագիտական թանգարանին մէջ, միւսները` կը պահուին ՊՈԱԿ-ի ֆոնտերուն մէջ եւ կը ներկայացուին ժամանակաւոր ցուցադրութիւններու ընթացքին»:

Ազոխի քարանձաւին մէջ պեղումներ իրականացուած են դեռ խորհրդային տարիներուի: Անիկա տարածաշրջանի հնագիտութեան եւ հնէաբանութեան կարեւոր հնավայրերէն է, որ թոյլ կու տայ ուսումնասիրելու հնագոյն ժամանակներու մէջ մարդոց տեղաշարժերը Հայկական լեռնաշխարհով:

2002 թուականէն Թանիա Քինգի ղեկավարութեամբ հնագէտներու միջազգային արշաւախումբը ծաւալուն պեղումներ կատարած է Ազոխի քարանձաւին մէջ: Յայտնաբերուած են չխաթարուած մուտքեր, ինչպէս նաեւ նախնադարեան դարաշրջանի բազմաթիւ գտածոներ, որոնց մէջ կան գործիքներ եւ կենդանիներու մնացորդներ: Ազոխի քարանձաւի գտածոները Եւրոպայի մէջ ուսումնասիրուելէ ետք կը վերադարձուին եւ կը համալրեն Արցախի հանրապետութեան «Պատմական միջավայրի պահպանութեան պետական ծառայութիւն» ՊՈԱԿ-ի ֆոնտերը:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...