News

29
Sep

Արցախի Մէջ Տեղի Ունեցած Են Հակաօդային Պաշտպանութեան Զօրավարժութիւններ

ՀՕՊՀամաձայն ընթացիկ ուսումնական տարուան մարտական պատրաստութեան ծրագրին` Պաշտպանութեան բանակի հակաօդային պաշտպանութեան զօրամասերու եւ ստորաբաժանումներու հետ Սեպտեմբեր 25-էն 29 տեղի ունեցած են` «Պաշտպանական գործողութեան ընթացքին հակաօդային պաշտպանութեան վարումը հակառակորդի ռատիօէլեկտրոնային պայքարի եւ կրակային միջոցներու աղդեցութեան պայմաններուն մէջ» թեմայով մարտական հրաձգութեամբ մարտավարամասնագիտական զօրախաղեր:

ՊԲ տեղեկատւութեան եւ հասարակայնութեան հետ կապերու բաժինի փոխանցմամբ` ՀՕՊ զօրախաղերը նպատակաուղղուած էին հանրապետութեան օդային սահմանի անվտանգութիւնը ապահովող զինծառայողներու մասնագիտական գիտելիքներու եւ հրամանատարական ունակութիւններու կատարելագործման, շտապներու ներդաշնակուածութեան, մարտական գործողութիւններու նախապատրաստման ու վարման արդիւնաւէտութեան բարձրացման:

Մարտավարամասնագիտական զօրավարժութիւնը միտուած էր նաեւ ստուգելու ՀՕՊ ուժերու եւ միջոցներու մարտական պատրաստականութեան մակարդակը եւ գնահատելու զօրատեսակի սպառազինութեան եւ ռազմական սարքերու իրական հնարաւորութիւնները:

Զօրավարժութիւններու արդիւնքով, որոնք տեղի ունեցած են հանրապետութեան ամենատարբեր աշխարհագրական գօտիներու եւ մարտավարական արագ փոփոխուող պայմանական իրավիճակներու մէջ, հակաօդային պաշտպանութեան զօրքերը եւս մէկ աստիճանով բարձրացուցած են դաշտային վարժուածութեան մակարդակը ու ձեռք բերած մասնագիտական նոր գիտելիքներ ու կարողութիւններ: Զօրախաղերը հնարաւորութիւն ստեղծած են նաեւ փորձի փոխանակում իրականացնելու, ինչպէս նաեւ տարբեր օղակներու հրամանատարական կազմի եւ ժամկետային զինծառայողներու մարտական վարպետութեան աստիճանը կատարելագործելու համար:

Մեկնելով զօրավարժութեան արդիւնքներէն` կրնանք փաստել, որ զօրատեսակը կը գտնուի մարտական պատրաստականութեան պատշաճ մակարդակի վրայ, որ այսուհետեւ եւս կրնայ իրականացնել հանրապետութեան օդային սահմանի անվտանգութեան  յուսալի եւ լիարժէք  ապահովումը:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...