News

30
Oct

Արցախի Մէջ 7 Բազմազաւակ Ընտանիք Նոր Տուներ Ստացած Են «Հայաստան» Հիմնադրամէն

arcax-hayastan-himnadram-tnerԱմէն ամիս վարձ վճարելը, մէկ տան մէջ բարեկամներու հետ ապրիլը, կենցաղային տարրական պայմաններ չունենալը այլեւս խնդիր չէ բազմազաւակ եւս 7 ընտանիքի համար: «Հայաստան» համահայկական հիմնադրամը2015 եւ 2016 թուականներու հեռուստամարաթոններուն հաւաքուած հանգանակութիւններու, ինչպէս նաեւ անհատ բարերարներու ֆինանսաւորման շնորհիւ կը շարունակէ Արցախի մէջ 5 եւ աւելի երեխայ ունեցող ընտանիքներուն սեփական տուներ նուիրել:

Հոկտեմբեր 23-27-ին տուներ ստացան Արցախի Ասկերան, Մարտունի, Շահումեան, Հադրութ, Քաշաթաղ շրջաններու նորագիւղ, Վարանդայ, Չարեքթար, Խանձաձոր եւ Վուրգաւան գիւղերու բազմազաւակ 7 ընտանիքներ: 7 ընտանիքներուն բնակարանամուտներուն հովանաւորումը կատարուած է «Հայաստան» համահայկական հիմնադրամի` Ամերիկայի Միացեալ Նահանգներու մէջ բնակող Անդրանիկ եւ Սեդա Պաղտասարեաններու, Գրիգորեաններ ընտանիքի եւ Ջերի Թրփանջեանի շնորհիւ:

Նորագիւղի մէջ տուն ստացած Շահբազեաններու եւ Վարանդայի մէջ Բաղրեաններու ու Մուսայելեաններու բարերարը ամերիկահայ Անդրանիկ եւ Սեդա Պաղտասարեաններն են: Անդրանիկ Պաղտասարեանը մեծանուն Քըրք Քըրքորեանէն ետք Հիմնադրամին միանուագ նուիրատուութիւն կատարած ամենախոշոր բարերարն է:Պաղտասարեանի նուիրատուութիւններուն շնորհիւ նաեւ հնարաւոր եղաւ կառուցել Հիմնադրամի ամենածաւալուն ծրագիրներէն Վարդենիս-Մարտակերտ ճանապարհը, Թալիշի մէջ իրականացնել բազմաթիւ ծրագիրներ:

Չարեքթար գիւղին մէջ Աղաջանեաններն ու Կանդուցները, իսկ Վուրգաւանի մէջ Գոքորեանները այսուհետեւ սեփական յարկի տակ կ’ապրին ամերիկահայ բարերար Ջերի Թրփանջեանի ֆինանսաւորման շնորհիւ: Ջերի Թրփանջեանը այս տարուան Մայիսին հովանաւորած էր եւս մէկ բազմազաւակ ընտանիքի բնակարանամուտը քաշաթաղ շրջանի Միրիկ գիւղին մէջ: Թրփանջեանի հովանաւորմամբ նաեւ կառուցուած են շարք մը դպրոցներ Արցախի մէջ:

Իսկ Քարամեաններու բազմազաւակ ընտանիքը Խանձաձորի մէջ տուն ստացաւ ամերիկահայ բարերարներ Գրիգորեաններու ընտանիքի հովանաւորութեամբ:

Իւրաքանչիւր տուն բաղկացած է 4 սենեակէ, կը համապատասխանէ ժամանակակից չափանիշներուն, լիովին կահաւորուած է, ապահովուած է տաք եւ սպաղ ջուրով, օդափոխութեան համակարգով:

Տուներուն շինարարութիւնը «Հայաստան» համահայկական հիմնադրամի հետ միասին վերահսկած է Արցախի Հանրապետութեան Քաղաքաշինութեան նախարարութիւնը:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...