News

24
Oct

Արցախի Նախագահի Նստավայրին Մէջ Տեղի Ունեցաւ Հայկական Ոճով Գորգերու Նուիրաբերման Հանդիսաւոր Արարողութիւն

74765Հոկտեմբեր 24-ին Արցախի Հանրապետութեան նախագահի նստավայրին մէջ տեղի ունեցաւ հայկական ազգային ոճով գորգերու նուիրաբերման հանդիսաւոր արարողութիւն:

 Նախագահ Սահակեան երախտագիտութիւն յայտնեց Վատիկանի մէջ ՀՀ արտակարգ եւ լիազօր դեսպան Միքայէլ Մինասեանին եւ «Մէգերեան Կարպետ» ընկերութեան նախագահ Րաֆֆի Մէգերեանին` նախաձեռնութիւնը կեանքի կոչելու համար, ընդգծելով, որ նման ձեռնարկումներու միջոցով մեր պատմամշակութային ժառանգութիւնը ոչ միայն կը ներկայացուի մեր հանրութեան ու աշխարհին, այլեւ կը պահպանուի ու կը զարգանայ:

Երկրի ղեկավարին խօսքով` այս գեղեցիկ գորգերու պատրաստումը քրտնաջան աշխատանք է, որու համար ներգրաւուած է մեծ, համախմբուած եւ հայրենասէր խումբ:

Բակօ Սահակեան նշած է, որ այդ աշխատանքը մնայուն է եւ պիտի ծառայէ մեր ժողովուրդին տասնամեակներ շարունակ` որպէս ազգային պատմամշակութային ժառանգութեան բաղկացուցիչ մաս:

Նոյն օրը նախագահը հիւրերուն հետ քննարկած է Արցախի մէջ գորգագործութեան զարգացման վերաբերող հարցեր եւ այս գործին մէջ կարեւոր համարած «Մէգերեան կարպետ»-ի պէս յայտնի ընկերութիւններու հետ փոխգործակցութիւնը:

Արարողութեան եւ հանդիպման ներկայ էին Հայ առաքելական եկեղեցւոյ Արցախի թեմի առաջնորդ Պարգեւ Արքեպիսկոպոս Մարտիրոսեան, պաշտօնատար այլ անձիք:

Մեկնարկած բարեգործական նախագիծով, ընդհանուր առմամբ կը նախատեսուի ուղեգորգեր, խորանի եւ նախասրահի գորգեր գործել Գանձասարի, Դադիվանքի, Շուշիի Ղազանչեցոց եւ Կանաչ վանք (Սուրբ Յովհաննսէս Մկրտիչ եկեղեցի) եկեղեցիներուն համար: Ամէն եկեղեցւոյ գորգ մէկ օրինակէ է, իւրաքանչիւրին մէջ կ՛արտացոլուին նոյն այդ եկեղեցւոյ բնորոշ զարդաքանդակները:

Յիշեցնենք, որ Հոկտեմբեր 23-ին՝ յատուկ արարաղութեամբ՝ Գանձասարին նուիրաբերուեցան երեք գորգեր։

«Գանձասար» գորգերու նախագծող, ձեւագէտ, նկարիչ Նայիրա Մխիթարեան լրագրողներուն յայտնած է , որ այս երեք գորգերը նախագծած է 3-4 ամսուան մէջ, ատոնք գործուած են 1.5 տարուան մէջ`«Մէգերեան կարպետ» ընկերութեան կողմէ: «Նախշերն ամբողջութեամբ վերցուած են եկեղեցւոյ փորագրութիւններէն, վիմաքանդակներէն ու զարդաքանդակներէն: Օրինակ` ուղեգորգին մէջ ամբողջութեամբ խորանի ներքեւի հատուածի զարդերն են: Երեք գորգերուն մէջ պատկերուած է ութ թեւանի աստղեր, յաւերժութեան նշաններ, պատկերային յօրինուածքներ, որոնք առկայ են եկեղեցւոյ պատերուն վրայ»,- ըսած է Նայիրա Մխիթարեան:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...