News

13
Nov

Արցախի Տանձուտ Գիւղին Մէջ Բացուեցաւ Ապրիլեան Պատերազմի Մասնակից Ադամ Սահակեանի Անուան Դպրոց

Քաշաթաղի շրջանի Տանձուտ համայնքի՝ ապրիլեան քառօրեայ պատերազմի մասնակից, հերոս Ադամ Սահակեանի անուան դպրոցը վերակառուցուած  է։ Ան շահագործման յանձնուեցաւ նոյեմբեր 12-ին՝  համաֆինասաւորմամբ՝ «Թուֆենկեան» բարեգործական հիմնադրամին եւ Արցախի  կառավարութեան:

Ըստ  «Արցախփրես»-ի՝  դպրոցի բացումը կատարած են Ադամ Սահակեանի հայրը` Խաչատուր  Սահակեանը  եւ Տանձուտի դպրոցի  9-րդ դասարանի աշակերտուհի Արեւիկ  Ղուկասեանը:

Ի դէպ՝ դպրոցը ունի 13  աշակերտ, որոնք Հայոց  Ցեղասպանութեան  100-ամեակի առթիւ  դպրոցին բակը տնկուած է մրգատու  ծառերու այգի. իւրաքանչիւր  տարի աշակերտները կ՛աւելացնեն եւս մէկ ծառ:

Բացման արարողութեան ներկայ Արցախի կրթութեան, գիտութեան եւ մարմնամարզութեան նախարար  Նարինէ Աղաբալեան ողջունեց եւ շնորհաւորեց համայնքի բնակիչները նորաբաց  ու յարմարաւէտ  դպրոց  ունենալու  առթիւ:

Ան ըսաւ, որ ազատագրուած հողի  վրայ ապրող  իւրաքանչիւր մարդ հայրենիքի պաշտպան  է: «Արժանապատիւ  կեանքով  ապրելու  համար մենք պէտք է այդ քաղաքացիներուն համար ստեղծենք  բոլոր պայմանները:  Այս դպրոցը կենդանի  յուշարձան  է Ադամի եւ բոլոր այն տղաներուն  համար, որոնք իրենց  արիւնը խառնած են մայր  հողին, որպէսզի հողը սրբանայ, եւ  հայրենիքը  դառնայ  անխոցելի: Դպրոցը,  որ կը  կրէ Ադամ  Սահակեանի  անունը, պարտաւորեցնող է բոլոր  աշակերտներուն համար:  Այս դպրոցի  աշակերտները  պէտք է տարբեր   ոլորտներու մէջ  լուրջ  յաջողութիւններ  ունենան»,- ըսած է Աղաբալեան:

Նախարարը  շնորհակալութիւն յայտնած է «Թուֆենկեան» բարեգործական հիմնադրամին:

Տանձուտի   դպրոցի   տնօրէն  Վանիկ  Արշակեանի  խօսքով`  25  տարի  շարունակ  չունենալով     անհրաժեշտ  պայմաններով  դպրոց`  այսօր  շնորհիւ  «Թուֆենկեան» բարեգործական հիմնադրամին  եւ  Արցախի  կառավարութեան,  համայնքը արդէն ունի յարմարաւէտ, լուսաւոր ու  գեղեցիկ  դպրոց:  Անոր խօսքով` յառաջիկային  անհրաժեշտ  է համալրել դպրոցին գրադարանը եւ  համակարգչային սենեակը:

Արարողութեան  մասնակից Ադամ  Սահակեանի  մայրը`   Գայանէ  Անտոնեան-Սահակեանի խօսքով`  իր  ընտանիքը  յուզուած, բայց  միեւնոյն   ժամանակ հպարտ  է, որ Արցախի մէջ բացուած է իր որդիին  անունով  դպրոց: «Այս  դպրոցի   աշակերտներուն  հայեացքներուն մէջ ես տեսայ Ադամին»,-ըսած է ան:

«Թուֆենկեան» բարեգործական հիմնադրամի գործադիր տնօրէն Րաֆֆի Տուտագլեան լրատուամիջոցին յայտնած է, որ արդեն  երրորդ  տարին  է՝ իրենք  Քաշաթաղի շրջանին մէջ կ՛իրականացնեն բնակարանաշինութեան  եւ  դպրոցաշինութեան  շարք մը ծրագիրներ:

Ըստ անոր՝ Տանձուտի  դպրոցի վերակառուցման համար  ծախսուած է մօտ 120 հազար տոլար:  Դպրոցին  տանիքը վերանորոգուած է, իսկ անհրաժեշտ  գոյքը ապահոված Արցախի  կառավարութիւնը: Դպրոցը  կը ջեռուցուի էլեկտրական  համակարգով:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...