News

06
Apr

Աւագ Երկուշաբթի. Անպտուղ Թզենիի Չորացում

Այսօր Աւագ Երկուշաբթի է. Օրը նուիրուած է աշխարհի` երկնքի ու
երկրի արարչագործութեան: Այս օրը կը մտաբերենք այն դէպքը, երբ Յիսուսի անէծքով
չորցաւ անպտուղ թզենին (Մատթ. ԻԱՅ 18-22, մարկ. ԺԱՅ 12-14, 20-25), եւ
Երուսաղէմի Տաճարի մաքրագործումը (Մատթ. ԻԱՅ 12-17, մարկ. ԺԱՅ
15-19, ղուկ. ԺԹ 45-48, հովհ. Բ 13-22):

Բեթանիայէն
Երուսաղէմ վերադառնալու ընթացքին, Յիսուս քաղց կը զգայ: Եւ ճանապարհի վրայ թզենի մը տեսնելով` կը մօտենայ անոր եւ այնտեղ տերեւէն բացի ոչինչ գտնելով` թզենիին կ՝ըսէ,- «Այսուհետեւ քեզմէ յաւիտեան պտուղ թող չըլլայ»: Նոյն պահուն թզենին կը չորնայ: Յիսուս անիծելով տերեւներով
զարդարուած, բայց անպտուղ թզենին` կ՝ակնարկէր փարիսեցիները, որոնք զարդարուած էին արտաքին բարեպաշտութեամբ, սակայն չունէին
այդ բարեպաշտութեան հոգեւոր պտուղը` բարի գործերը եւ ողորմածութիւնը:

Պտուղը այլաբանօրէն կը խորհրդանշէ մարդկային բարի գործերն
ու առաքինութիւնները, որոնցմէ զուրկ մարդը պիտի պատժուի այս թզենիին
օրինակով: Ինչպէս կ՝ըսէ
Ս. Յակոբոս
առաքեալը` «Հաւատքը առանց գործերու
մեռած է» (Հակ. Բ 20):

Երուսաղէմի
Տաճարի մաքրագործումը կատարուեցաւ
ի խնդիր հաւատի մաքրութեան: Յիսուսը մտաւ տաճար եւ շրջելով աղաւնի վաճառողներուն ու լումայափոխներուն սեղանները` դուրս հանեց անոնց, որոնք տաճարին մէջ առեւտուր կ՝ընէին, եւ ըսաւ,- «Գրուած է. «Իմ տունը աղօթքի
տուն պիտի կոչուի, իսկ դուք աւազակներու որջ դարձուցած էք զայն» (Ես. ԾԶ 7, երեմ. Է
11):

Աստուծոյ Տաճարը աղօթքի եւ պաշտամունքի
տուն է, եւ կարելի չէ
զայն
առքուվաճառքի տեղ դարձնել: Իր այս արարքով Տէրը մեզի կը սորվեցնէ սրբութիւններու հանդէպ պատշաճ վերաբերմունք
ցուցաբերել:

http://ter-hambardzum.net/

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...