News

14
Feb

«Բարգաւաճ Հայաստան» Կուսակցութիւնը Պիտի Չմասնակցի Հանրաքուէի Գործընթացին

«Բարգաւաճ Հայաստան» կուսակցութիւնը պիտի չմասնակցի Սահմանադրական փոփոխութիւններու հանրաքուէի իրականացման գործընթացին: Այդ մասին ԲՀԿ քաղաքական խորհուրդի նիստէն ետք յայտարարեց Ազգային Ժողովի «Բարգաւաճ Հայաստան» խմբակցութեան քարտուղար Նայիրա Զոհրապեան:

Ատիկա կուսակցութեան քաղաքական խորհուրդի բոլոր անդամներուն, տարածքային կառոյցներու պատասխանատուներու, պատգամաւորներու միաձայն որոշումն է, նշեց ան:

«ԲՀԿ-ն մշտապէս կողմ եղած է ուղիղ ժողովրդավարութեան կարեւորագոյն գործիքին` հանրաքուէին, բայց մենք չենք կրնար որեւէ մասնակցութիւն ունենալ իրաւական առումով այս խոցելի գործընթացին»,- ըսաւ Զոհրապեան` մէջբերելով խմբակցութեան ղեկավար Գագիկ Ծառուկեանի խօսքը, կը գրէ Panorama.am-ը:

Զոհրապեան աւելցուց ըսելով, որ սահմանադրական փոփոխութիւններու նախագիծ ներկայացնելու պահէն իշխանութիւնը իրաւական հարթութենէն հարցը տեղափոխած է քաղաքական` խնդիրը վերածելով սեւ-սպիտակի «կործանարար հակամարտութեան»:

Սահմանադրութեան փոփոխութիւններու հանրաքուէն տեղի պիտի ունենայ Ապրիլ 5-ին: Նախընտրական քարոզարշաւը սկիզբ պիտի առնէ Փետրուար 17-էն, «Այո»-ի շտապը պիտի ղեկավարէ «Քաղաքացիական պայմանագիր» կուսակցութեան վարչութեան նախագահ Սուրէն Պապիկեանը:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...