News

22
Nov

Բնապահպանութեան Ոլորտին Մէջ Հայաստանը Խոշոր Դրամաշնորհ Պիտի Ստանայ

ՀՀ կառավարութիւնը հաւանութիւն տուաւ Հայաստանի Հանրապետութեան եւ Վերականգնման վարկերու դրամատան միջեւ Հայաստանի մէջ կենսաբազմազանութեան եւ կայուն տեղական զարգացման ծրագիրի 23 միլիոն 208 հազար եւրոյի չափով դրամաշնորհային համաձայնագիրի ստորագրման առաջարկին: ՀՀ բնապահպանութեան նախարարի պաշտօնակատար Էրիկ Գրիգորեան նշեց, որ այս դրամաշնորհը բնապահպանութեան ոլորտին մէջ Հայաստանին յատկացուած ամենախոշոր դրամաշնորհն է, ուր ներառուած չէ վարկային որեւէ բաղկացուցիչ: Այս մասին կը հաղորդէ Armenpress.am-ը։

«Ծրագիրին տեւողութիւնը կը նախատեսուի 8 տարի, պիտի ապահովէ կենսաբազմազանութեամբ հարուստ տարածքներու մէջ բնական միջոցներու պահպանութիւնն ու կայուն օգտագործումը»,- ըսաւ նախարարի պաշտօնակատարը։

Դրամաշնորհային ծրագիրին ծիրէն ներս կը նախատեսուի իրականացնել պահպանուող տարածքներու, բնական միջոցներու եւ բնական յուշարձաններու բարելաւում ու կառավարում, անտառներու կայուն կառավարում, անտառային լանդշաֆտը եւ անտառները վերականգնելու քայլեր, ընտրուած յարակից համայնքներու մէջ հասարակական-տնտեսական զարգացման քայլեր,  բնապահպանական-զբօսաշրջութիւնը խթանելու քայլեր, խորհրդատուական ծառայութիւններ։

Հաշուի առնելով Կովկասի տարածաշրջանի, ներառեալ Հայաստանի իւրայատուկ եւ հարուստ կենսաբազմազանութիւնը՝ իբրեւ ծրագիրի իրականացման վայր պիտի ընտրուին կենսաբազմազանութեամբ հարուստ տարածքները։ Թիրախային տարածքները աշխարհագրականօրէն սահմանափակուած չեն, ծրագիրը հնարաւոր է իրականացնել Հայաստանի Հանրապետութեան որեւէ վայրի մէջ:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...