News

19
Jun

Գամիշլիի Ահաբեկչական Պայթումին Թիրախը Սուրիանիներու Կաթողիկոսը Եղած Է

13466398_873936832708344_2704233559396358286_nԱյսօր՝  Յունիս 19-ի կէսօրուայ ժամը 12:00-ին, Գամիշլիի մէջ ահաբեկչական ինքնասպանական գործողութիւն մը տեղի ունեցած է, կը հաղորդէ սուրիական ՍԱՆԱ գործակալութիւնը։

Պայթումը տեղի ունեցած է Քընտի պարտէզին դիմաց, մար Գաբրիէլ սրահին մօտ, ուր կը գտնուէր սուրիանիներու կաթողիկոս Մար Աֆրամ երկրորդ, որ հովուական յատուկ այցելութեամբ ժամանած էր Գամիշլի։

Ահաբեկիչը քրիստոնեայ կղերի զգեստով ծպտուելով փորձած է մտնել սրահ, սակայն Տուրոնոյօ ջոկատի պահակախումբին կատարած խուզարկման ընթացքին, երբ յայտնաբերուած է իր ծպտուած եւ ականապատուած ըլլալը, ահաբեկիչը ինքզինք պայթեցուցած է։

Ներկայ տուեալներուն համաձայն արձանագրուած են 3 զոհեր և վիրաւորներ։

Նշենք, որ կաթողիկոսի այցելութեան գլխաւոր նպատակն էր բացումը կատարել 101 տարի առաջ տեղի ունեցած ցեղասպանութեան զոհերուն յիշատակին կառուցուած Սեֆոյի յուշարձանին, որ կը գտնուի պայթումի վայրին մօտ։

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...