News

31
Jan

Գերմանիոյ Խորհրդարանը Անձեռնմխելիութենէ Զրկած է Ատրպէյճանէն Կաշառք Ստանալու Մէջ Մեղադրուող Պատգամաւորը

Գերմանիոյ խորհրդարանը պատգամաւորական անձեռնմխելիութենէ զրկած է պատգամաւոր Քարին Շթրենցը:

Ան կը մեղադրուի Ատրպէյճանէն կաշառք ստանալու եւ այդ երկրի շահերու լոպպինկով զբաղուելու մէջ: Նոյն գործով կը մղադրուի նաեւ Գերմանիոյ Քրիստոնէա-ընկերվարական  միութիւն կուսակցութեան նախկին պատգամաւոր Էդուարդ Լինթները:

Գերմանիոյ խորհրդարանը անցած տարի Շթրենցը տուգանած էր 20 հազար եուրոյով Ատրպէյճանէն ստացած լրացուցիչ վարձատրութեան մասին խորհրդարանին ժամանակին չտեղեկացնելու համար:

Անոր նկատմամբ կասկածները ի յայտ եկած են դեռ 2017-ին Եւրոպայի խորհուրդի խորհրդարանական վեհաժողովին մէջ կաշառակերութեան գայթակղութեան ընթացքին: Մասնաւորապէս, անոր անունը յիշատակուած է Եւրոպայի մէջ Պաքուի շահերը լոպպինգ ընելու համար կաշառքներու մասին անկախ փորձագէտներու 2018-ի Ապրիլին հրապարակուած զեկոյցին մէջ:

Փաստաթուղթին մէջ կը նշուի, որ կաշառակերութեան գայթակղութեան հիմնական մասնակից, խորհրդարանի նախկին պատգամաւոր Էդուարդ Լինթներ իրեն պատկանող եւ Պաքուի կողմէ ֆինանսաւորուող ու Ատրպէյճանի լոպպինկը իրականացնող Line M-Trade խորհրդատուական կազմակերպութեան մէջ աշխատանքի ընդունած է Կարին Շթրենցը:

«Թրանսփարընսի Ինթերնէյշնլ» հաշառակերութեան դէմ պայքարի կեդրոնը հաղորդագրութիւն տարածած է, ուր կը նշուի, որ Ֆրանքֆուրթի դատախազութիւնը գործ յարուցած է Գերմանիոյ խորհրդարանի պատգամաւոր Շթրենցի եւ նախկին պատգամաւոր Լինթների դէմ:

Կը նշուի, որ Ֆրանքֆուրթի դատախազը Շթրենցը կը մեղադրէ «ատրպէյճանամէտ դիրքորոշման» միջոցով առնուազն 22 հազար եուրօ կաշառք ստանալու մէջ: ԵԽԽՎ նախկին անդամ Լինթներ կը մեղադրուի Ատրպէյանէն բրիտանական կեղծ ընկերութիւններու միջոցով 2008-2016 թուականներուն մօտ 4 միլիոն եուրօ ստանալու մէջ, որ այնուհետեւ պէտք է փոխանցէր ԵԽԽՎ այլ անդամներու, որոնք ատոր դիմաց դրական կարծիքներ արտայայտած են ատրպէյճանական կառավարութեան մասին եւ նպատակադրուած դէմ արտայայտուած են քաղաքական բանտարկեալներու ազատ արձակման:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...