News

18
Apr

Դադիվանքի Մէջ Սուրբ Զատիկը Նշուած է Մեծ Շուքով (լուսանկարներ)

65106

Յիսուս Քրիստոսի հրաշափառ Յարութեան տօնը քրիստոնէական ամենամեծ եւ լուսաւոր տօներէն է:

Անիկա կը կոչուի նաեւ Պահք, որ ունի մաքրագործական եւ ճգնակեցական նշանակութիւն:

«Քրիստոս յարեաւ ի մեռելոց» աւետիսով՝ մարդկութեան համար սկիզբ առաւ նոր կեանքի, նոր գարնան պայծառ առաւօտը: «Օրհնեալ է Յարութիւնը Քրիստոսի»` կեանքի առաջին իրական յաղթանակը մահուան նկատմամբ:

Հայերէն Պահքը կը կոչուի նաեւ Զատիկ, որ կը նշանակէ զատուիլ, հեռանալ զազիր, անմաքուր ու դժնդակ խորհուրդներէ եւ դառնալ բարիի գործակից: Ասիկա կը խորհրդանշէ անցումը չարէն դէպի բարին, պակասութենէն դէպի լիութիւն, անպիտանութենէն եւ չար գործերէն` դէպի պիտանութիւն ու առաքինի վարք: Սբ. Յարութեան տօնին հաւատացեալները միմեանց կ՝ողջունեն «Քրիստոս յարեաւ ի մեռելոց» աւետիսով, կը պատասխանյլ` «Օրհնեալ է Յարութիւնը Քրիստոսի»:

Ապրիլ 16-ին, վաղ քրիստոնէական մենաստան Դադիվանքի մէջ (4-6 դդ.) մատուցուած է Սուրբ Պատարագ` նուիրուած Յիսուս Քրիստոսի Յարութեան տօնին, որ կատարուած է Պաշտպանութեան նախարարութեան հոգեւոր ծառայութեան առաջին պատասխանատու  Տ. Վրթանէս վարդապետ Աբրահամեանի ձեռամբ:

Պատարագի աւարտին տեղի ունեցած է զինուորներու մկրտութեան արարողութիւն:

Վանական համալիրի բակին մէջ պարած եւ երգած են երեխաները: Համերգային ծրագրով հանդէս եկած է Արցախի «Մենք ենք, մեր սարերը» երգի-պարի պետական խումբը:

Տեղւոյն վրայ թխած են արցախեան ժենգեալով հաց, հիւրերուն համար սեղան բացուած է. մատուցուած է մատաղ եղած գառնուկի միս, զատկուան տօնին յատուկ  աւանդական ուտեստներ, ձուկ, կանաչեղէն, գաթաներ, ներկուած հաւկիթ:

Նիւթը յատուկ Artsakhpress.am-ի համար պատրաստած է Ալպերթ Ոսկանեան

 

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...