News

13
Jun

Դաւիթ Տօնոյեան ՄԽ Համանախագահներուն Ներկայացուցած է Սահմանագիծի Վրայ Ատրպէյճանի Ապակայունացնող Գործողութիւնները

88139

ՀՀ պաշտպանութեան նախարար Դաւիթ Տօնոյեան, Յունիս 13-ին, ընդունած է հերթական տարածաշրջանային այցով Հայաստան գտնուող ԵԱՀԿ Մինսկի խումբի համանախագահներ Իկոր Փոփովը, Էնտրիւ Շոֆերը եւ Սթեֆան Վիսքոնթին: Հանդիպման ներկայ եղած է նաեւ ԵԱՀԿ գործող նախագահի անձնական ներկայացուցիչ Անճէյ Գասպրշչիկը: Այս մասին կը տեղեկացնեն ՀՀ պաշտպանութեան նախարարութեան տեղեկատւութեան եւ հասարակայնութեան հետ կապերու վարչութենէն:

Զրուցակիցներուն խնդրանքով՝ ՀՀ պաշտպանութեան նախարարը անդրադարձած է հայ-ատրպէյճանական պետական սահմանին եւ Արցախա-ատրպէյճանական հակամարտ զօրքերու սապմանագիծին վրայ տիրող իրավիճակին:

ՀՀ պաշտպանութեան նախարարը նշած է, որ Ատրպէյճանը պարբերաբար կը շարունակէ սահմանագօտիին վրայ իրավիճակի ապակայունացման գործողութիւնները, մասնաւորապէս` դիպուկահար կրակը, յանգեցնելով նոր զոհերու: Անդրադարձ եղած է նաեւ վերջին շրջանին Նախիջեւանի մէջ Ատրպէյճանի զինուած ուժերու կողմէ դիրքերու տեղաշարժին:

Դաւիթ Տօնոյեանը շեշտած է, որ Հայաստան կը շարունակէ կողմնակից ըլլալ սահմանագիծին վրայ զինադադարի անվերապահ պահպանման` փոխվստահութեան ամրապնդման համակողմանի միջոցներու ներդրումով: Միաժամանակ նշուած է, որ Հայաստանի զինուած ուժերը աչալրջօրէն կը հետեւին իրավիճակին եւ կը վերահսկեն ցանկացած շարժ:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...