News

05
Jun

Դպրոցներուն Ապաքաղաքականացումը Առաջնահերթ Խնդիր է. ՀՀ Կրթութեան եւ Գիտութեան Նախարար

936224

ՀՀ կրթութեան եւ գիտութեան նախարար Արայիկ Յարութիւնեան առաջնահերթ խնդիր կը համարէ դպրոցներու ապաքաղաքականացումը: Ըստ Armenpress.am-ի՝ ՀՀ կրթութեան եւ գիտութեան նախարարը նման յայտարարութեամբ հանդէս եկած է Ազգային ժողովի մէջ ՀՀ 2017-ի պետական պիւտճէի կատարման հաշուետւութեան քննարկման ընթացքին` պատասխանելով «Ելք» խմբակցութեան պատգամաւոր Յովիկ Աղազարեանի հարցին:

«Ասիկա մեզի համար կարճաժամկէտ առաջնային խնդիրներէն մէկն է, որովհետեւ դպրոցներու քաղաքականացումը մեծ վնաս բերած է դպրոցներուն: Ես ասիկա միշտ ըսած եմ եւ չեմ զլանար կրկին ըսելու: Ես միշտ շաբաթներով ճնշախտ ապրած եմ, երբ ընտրական գործընթացներուն ժամանակ, որեւէ դպրոցի ուսուցիչ, ուսմասվար կամ տնօրէն կը զբաղէր ընտրութիւնները կեղծելով, կեղծիքի վրայ աչք փակելով, իսկ յաջորդ օրը կը մտնէր դպրոց եւ ազատ քաղաքացի կը «դաստիարակէր»: Ասիկա պէտք է արմատախիլ ըլլայ: Դպրոցներուն ապաքաղաքականացումը առաջնահերթ խնդիրներէն է, որովհետեւ իւրաքանչիւր նախարարի հետ, համակարգը սկսած է անոր կուսակցութեան գոյնով ներկուիլ, տարիներու ընթացքին բազմագոյն իրավիճակ տեսած ենք դպրոցներուն մէջ, երբ սկիզբը նախարարը ՕԵԿ-էն էր, յետոյ՝ ՀՀԿ-էն, յետոյ ՀՅԴ-էն»,- ընդգծած է Յարութիւնեան:

Նախարարը մանրամասնած է, որ յառաջիկային պիտի հանդիպի մարզպետներու եւ մարզպետարաններու կրթութեան վարչութեան պետերուն հետ, որովհետեւ սովորաբար դպրոցներու մէջ կարգաւորումները իրականացուած են մարզպետներու եւ վարչութեան պետերու միջոցով, կուսակցական հրահանգները մասնաւորապէս այդ օղակներով հասած են: «Հիմա մենք պէտք է փորձենք վարչութիւնները համալրել իրական մասնագէտներով, որոնք ուղիղ կապ կը պահեն նախարարութեան եւ դպրոցներուն միջեւ»,- եզրափակած է նախարարը:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...