News

02
Apr

Եթէ Հրաչը Չսպանուէր Դաւաճանի Գնդակէն, Այսօր Ան Արդէն Սահմանագիծին Վրայ Կ՛ըլլար

hrach-muradian

Պռոշեան աւանին մէջ այսօր հաւաքուած էին ազատամարտիկ, Պռոշեան համայնքը 10 տարի ղեկավարած Հրաչ Մուրատեանի հարազատները, մարտական ընկերները` եւս մէկ անգամ յիշատակելու 2013 թուականի Ապրիլ 2-ին դաւադիր գնդակներէն սպաննուած ազատմարտիկին յիշատակը, կը հաղորդէ «Երկիրմետիա»-ն:

3 տարի անցած է անոր սպանութենէն, բայց դեռ ո՛չ սպանութեան շարժառիթները բացայայտուած են, ո՛չ ալ մեղաւորները պատժուած:

Յարուցուած քրէական գործի ծիրէն ներս գիւղապետին սպանութեան կասկածանքով կալանաւորած էր Պռոշեան գիւղի բնակիչ Արայիկ Պետրոսեանը, իսկ արդէն 2013 թուականի վերջը ազատ արձակուած` սպանութեան հետ առնչութիւն ունենալու հիմքերը չհաստատուելու հիմնաւորումով:

Հրաչ Մուրադեանի մարտական ընկերները այսօր նաեւ յայտարարած են, որ եթէ Հրաչը չսպանուէր դաւաճանի գնդակէն, ան այսօր արդէն սահմանագիծին վրայ կ՛ըլլար` հայ զինուորի կողքին:

Մարտական ընկերներու խօսքով, ան իր ամբողջ կեանքին մէջ այդպէս ալ ապրեցաւ` մարտական դիրքերու վրայ, երբ թշնամին կը խոցէր հայկական սահմանները, իսկ իր առօրեայ աշխատանքին մէջ կը շէնցնէր իր համանքը, իր հայրենիքը:

Պռոշեանի «Զօրաց» պանթէոնին մէջ անոր շիրիմին մօտ մարտական ընկերները, Դաշնակցութեան տարբեր մարտական ջոկատներու ազատամարտիկներ յայտարարած են, որ այսօր, որեւէ պահու պատրաստ են կանգնելու հայ զինուորի կողքին` քանի որ Արցախեան ազատամարտէն ետք կարգախօսը երբեք չէ փոխուած` Հայաստանը Արցախի անվտանգութեան երաշխաւորն է:

Հայաստանի տարբեր մարզերէ Պռոշեան հաւաքուած ազատամարտիկները տեղեկացուցած  են, որ մշտական կապի մէջ են իրենց ընկերներուն հետ եւ անհրաժեշտ պարագային պատրաստ են միաւորուելու եւ արժանի հակահարուած տալու ատպէյճանական զինուժին:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...