News

20
Jun

Եթէ Օրուայ Հացը Հանգիստ Ճարուի, Հայաստանէն Լաւ Տեղ Ամբողջ Աշխարհի Մէջ Չկայ․ Հալէպահայ Լեւոն Քէոշկերեան

levon koshgerianՀալէպահայ  Լեւոն Քէոշկերեանը արդէն մէկ տարիէ իր մօր հետ կը բնակի Երեւան: Հալէպի մէջ ապրած տարիներուն զբաղած է արծաթագործութեամբ: Ունեցած է խանութ: Պատերազմի պատճառով ձգած է ամէն ինչ եւ եկած Հայաստան` իր հետ բերելով իր արծաթէ իրերը:

«Այսօր կը վաճառեմ այդ գործերը: Վերնիսաժի մէջ կը կանգնիմ: Փոքր գործերը աւելի լաւ կը վաճառուին, քան մեծերը: Յոյս ունիմ, որ ամէն ինչ լաւ պիտի ըլլայ: Պատուերներու պարագային կրնամ աշխատանքի տեղ վերցնել եւ աշխատիլ»,- Panorama.am-ի հետ զրոյցի ընթացքին ըսած է  Լեւոն Քէոշկերեանը:

Անոր խօսքով, երբ դեռ նոր սկսած էր պատերազմը, իրենց մտքէն նոյնիս չէր անցներ, որ կրնայ այսքան երկարիլ:

«Կը մտածէինք երեք ամիսէն կը վերջանայ, յետոյ վեց ամիս, յետոյ մէկ տարի: Բայց արդէն հինգ տարիէ կը շարունակուի: Վիճակը երթալով աւելի կը վատանայ: Վատ օրեր կը տեսնենք: Շատ վտանգաւոր էր: Դուրս կու գանք փողոց` չենք գիտեր, կը վերադառնանք տուն, թէ չէ: Շատերը փողոցի մէջ կը զոհուին, շատերը իրենց տան մէջ` հրթիռի մը պատճառ: Օր մը տուն քնացած էի, մեր կողքի տունը հրթիռ ինկաւ: Եթէ քիչ մը այս կողմ իյնար, ես…

«Հասկցանք, որ այս ամէնը շուտ պիտի չվերջանայ: Տունս, խանութս կայ, արհեստանոցս փլուած է»,- պատմած է Լեւոն Քէոշկերեանը:

Այսօր ընկերներ, բարեկամներ ունի, որոնք կը շարունակեն ապրիլ Հալէպի մէջ:

«Կապի մէջ եմ: Կ՛ըսեն, որ աւելի ու աւելի կը վատանայ վիճակը: Կ՛ըսեմ` եկէք այստեղ: Բայց ամէն մարդ չի կրնար հաւաքուիլ ու գալ, խնդիրներ կան` ճանապարհածախս, այստեղ բնակելու համար վարձ: Հնարաւորութիւն չունին»,- ըսած է ան:

Հալէպահային խօսքով, եթէ վիճակը կարգաւորուի, անշուշտ, պիտի վերադառնայ Սուրիա, քանի որ  ամէն ինչ ձգած են այնտեղ:

Լեւոնը այժմ չի մտածեր Հայաստանէն` երրորդ երկիր երթալու մասին:

«Եղած եմ տարբեր երկիրներ: Հայրենիքի մէջ մենք մեզի աւելի հանգիստ կը զգանք: Միակ խնդիրը գործն է: Եթէ օրուայ հացը հանգիստ ճարուի, այստեղէն լաւ տեղ ամբողջ աշխարհի մէջ չկայ»,- ըսած է ան:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...