News

21
Feb

ԵՄ-ն Հայաստանին 31 Միլիոն Եւրոյի Դրամաշնորհ Պիտի Յատկացնէ

ՀՀ կառավարութիւնը հաւանութիւն տուաւ Եւրոպական միութեան հետ «ԵՄ-ն Հայաստանի համար. տարածքային զարգացում» ֆինանսաւորման համաձայնագրի ստորագրման առաջարկին: Տնտեսական զարգացման եւ ներդրումներու նախարար Տիգրան Խաչատրեան նշեց, որ համաձայնագիրին ծիրէն ներս՝ ԵՄ-ն Հայաստանին երկրին պիտի յատկացնէ 31 միլիոն 250 հազար եւրոյի դրամաշնորհ: Այս մասին կը հաղորդէ Armenpress.am-ը։

«Համաձայնագրի հիմնական նպատակն է Հայաստանի հիւսիսային շրջաններուն՝ ՀՀ կառավարութեան կողմէ իբրեւ փորձնական շրջաններ ընտրուած Շիրակ, Լոռի եւ Տաւուշ մարզերուն մէջ, ընդհանուր եւ հաւասարակշռուած ներառական աճի իրականացումը` խելացի եւ կայուն գիւղատնտեսութեան, նորարարական զբօսաշրջութեան եւ ստեղծագործական արդիւնաբերութեան ճիւղերու խթանման միջոցով: Ծրագրին նպատակներն են՝ աջակցիլ եւ նախնական թափ հաղորդել շուկայահէն արկածասէր ընկերութիւններուն, որոնք տարածքային բնորոշ մարտահրաւէրներու լուծումներ կ՝առաջարկեն, թափ հաղորդել արագ աճի հնարաւորութիւն ունեցող փոքր եւ միջին ձեռնարկութիւններուն՝ ՀԸԳՀ գործիք ստեղծելու միջոցով անոնց ընկերային-տնտեսական ազդեցութեան մակարդակը բարձրացնելու համար, խթանել բարենպաստ միջավայր՝ տարածքային արկածասէր ընկերութիւններու եւ փոփոխութիւններ իրականացնողներու ազդեցութիւնը ընդլայնելու համար»,- ըսաւ Խաչատրեան:

Կ՝ակնկալուի, որ ծրագիրը պիտի նպաստէ ներդրումային եւ բարձր յաւելեալ արժէքով գիւղատնտեսական եւ նորարարական զբօսաշրջութեան ոլորտի արկածասէր ընկերութիւններու յաջորդական շղթայի ստեղծման, Ստեղծարար կեդրոնի միջոցով ստեղծարար ոլորտներու մէջ (ձեւաւորում, լսա-տեսողական ոլորտ եւ նորարարութիւն) ձեռնարկատիրական տաղանդ ունեցող նոր սերունդ դաստիարակելուն, միջազգային շուկայ միտուած ներդրումային եւ նորարարական արհեստագիտական արկածասէր ընկերութիւններու յաջորդական շղթայի ստեղծման, Շիրակի մարզին մէջ ձմեռնային մարզական հաստատութիւններու հիմնադրման եւ այլն: Նախատեսուած աջակցութեան որոշ բաղադրիչներուն իրականացումը պիտի ապահովուի Գերմանիոյ միջազգային համագործակցութեան ընկերութեան (GIZ), Աւստրիական զարգացման գործակալութեան (ADA), Վերակառուցման եւ զարգացման եւրոպական դրամատան (EBRD) հետ՝ Հարեւանութեան ներդրումային հարթակի միջոցով: Համաձայնագիրը կը ֆինանսաւորուի ԵՄ պիւտճէէն` Եւրոպական հարեւանութեան գործիքի ծիրէն ներս: Համաձայնագրի իրականացման ժամանակահատուածը կը կազմէ 72 ամիս:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...