News

23
Jan

Երբ Հայ Զինուորին Գլուխը Կտրողը Հերոս Կ՛ըլլայ, Ի՞նչ Համերաշխութեան Մասին է Խօսքը. Արցախի ԱԺ Փոխնախագահը` Փաշինեան-Ալիեւ Հանդիպումին Մասին

Հայաստանի եւ Ատրպէյճանի ղեկավարներուն հանդիպումը անսպասելի չէր: Tert.am-ին ըսած է Արցախի խորհրդարանի փոխնախագահ Վահրամ Բալայեան` նշելով, որ հանդիպումը կը նախապատրաստուէր:

Խօսելով 1.5 ժամ տեւած հանդիպման մասին` Վահրամ Բալայեան ըսած է, որ Ատրպէյճանի դիրքորոշումը` Արցախը ամէն գնով մտցնել իրենց կազմ, չէ փոխուած, ուստի դժուար թէ շօշափելի արդիւնքներ ըլլան:

«Չեմ կարծեր, որ Պաքուի դիրքորոշումը թոյլ կու տայ կառուցողական քննարկում իրականացնելու, բանակցութիւններուն ընթացք տալու, որովհետեւ անոնց պահանջքը անհնար է իրականացնել»,- ըսած է ան:

Դիտարկման, թէ մինչեւ նախագահներուն հանդիպումը ԵԱՀԿ Մինսկի խումբի յայտարարութեան մէջ խօսուած էր «ժողովուրդները խաղաղութեան պատրաստելու» մասին, Վահրամ Բալայեան ըսած է, որ այդ թէզը առաջ քաշողներուն համար «տարածքներ խաղաղութեան դիմաց» բանաձեւն է:

«Այլապէս ինչպէ՞ս կը պատկերացնեն: Երբ Ատրպէյճան վերջին տասնամեակներուն ամէն ինչ ըրած է, որ հայատեացութեան մակարդակը բարձրանայ` սկսած մանկապարտէզներէն, դպրոցներէն, հակայկական  քարոզչութիւն տարուած է, այդպիսով Ատրպէյճանի հանրութեան հնարաւո՞ր է պատրաստել խաղաղութեան:

Սա շատ երկարատեւ գործընթաց է: Երբ հայ զինուորին գլուխը կտրողը հերոս կ՛ըլլայ, ի՞նչ բարեկամութեան կամ հաշտութեան մասին է խօսքը: Լաւ գաղափար է, որ պէտք է ըլլայ համերաշխութիւն, բայց սա չաշխատող գաղափար է»,- ըսած է Բալայեան:

Հարցումին` ԵԱՀԿ Մինսկի խու՞մբն է՝ առաջ կը քաշէ «խաղաղութիւն տարածքներու դիմաց» թեզը, պատգամաւորը պատասխանած է, որ բանակցային սեղանին չկայ նոյնիսկ փաստաթուղթ, ուր կը բացատրուի, թէ ինչ կը նշանակէ «խաղաղութեան պատրաստել» ժողովուրդները:

«Ի՞նչ կը նշանակէ պատրաստել խաղաղութեան: Ես կը կարծեմ, որ խօսքը միակողմանի զիջումներու մասին է: Սա լաւ տեղ չի տանիր: Հայ ժողովուրդը պայքարած, արիւն թափած է իր ազատութեան համար եւ պատրաստ չէ իր հայրենիքը զիջելու ուրիշին»,- աւելցուցած է ան։

Յիշեցնենք, որ երէկ հանդիպած էին ՀՀ վարչապետ Նիկոլ Փաշինեան ու Ատրպէյճանի նախագահ Իլհամ Ալիեւ: «Մտքեր փոխանակեցինք բանակցային գործընթացի ընթացիկ իրավիճակի եւ յետագայ քննարկումներու մասին»,-հանդիպումը այսպէս մեկնաբանած էր Փաշինեան, ինչպէս նաեւ յայտնած, որ հանդիպումը ոչ պաշտօնական էր:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...