News

13
Mar

Երջանկութեան Ճանապարհին Հանդիպող Ութ Խոչընդոտ

Happy-Day

Մեր կեանքին մէջ հանդիպող շատ երեւոյթներու մենք այնքան ալ մեծ կարեւորութիւն չենք տար, սակայն անոնք յաճախ խոչընդոտ կը հանդիսանան մեր երջանկութեան հասնելու ճանապարհին:

  1. Ես երջանիկ կ՝ըլլայի, եթէ քիչ աշխատէի. Չես գիտեր ինչու, ոմանք կը կարծեն, որ իրենք երջանիկ պիտի ըլլային, եթէ չաշխատէին: Անոնք կը մտածեն, որ այդ պարագային իրենց օրը լեցուն պիտի ըլլար զուարճանքով եւ ուրախ առիթներով: Սակայն յաճախ այդ ալ կը դառնայ անոնց ճնշախտին պատճառը, քանի որ մարդը ստեղծագործ եւ արարող էակ է, ան մշտապէս կ՝ուզէ առաջադրանքներ ու խնդիրներ լուծել, կ՝ուզէ կատարելագործուիլ, աճիլ, զարգանալ ու զգալ իր յաջողութիւններու եւ յաղթանակներու բերկրանքը:
  2. Մեղաւորը ես չեմ. Մեր ուղեղը միշտ կը փորձէ համոզել, որ մեր դժբախտութիւններուն պատճառը ուրիշներն են` ընկերները, ծնողները, ծանօթները եւ այլն: Մենք պատրաստ ենք մեղադրել բոլորը՝ բացի մեզմէ: Սակայն մենք երջանիկ պիտի ըլլայինք միայն այն պարագային, երբ պատասխանատւութիւն կրէինք մեր կատարած արարքներուն համար:
  3. Պէտք է բացայայտել «երջանկութեան գաղտնիք»ը. Գաղտնիքը այն է, որ «երջանկութեան գաղտնիք» հասկացութիւն գոյութիւն չունի: Որքան ալ որ գիրքերու մէջ փորձեն մեզ համոզել, որ երջանկութիւնը զգալու համար պէտք է բացայայտել անոր գաղտնիքը, ատիկա իրականութեան չի համապատասխաներ: Մենք ենք, որ կը կերտենք մեր ապագան, կը մշակենք ռազմավարութիւն` մեր նպատակներուն հասնելու համար եւ կը ստեղծենք մեր երջանկութեան պատկերը:
  4. Եթէ ես… ունենայի. Մենք մշտապէս կը փորձենք մեզ համոզել, որ երջանիկ պիտի ըլլայինք, եթէ ունենայինք այլ աշխատանք մը, այլ տուն մը, այլ ինքնաշարժ մը եւ այլն: Հաւատացէք, որ ինքնաշարժ, տուն, լաւ աշխատանք ունեցող մարդիկ ձեզմէ աւելի երջանիկ չեն: Պէտք է ընդունիլ, որ իրերն ու նիւթական արժէքները չեն կրնար երջանկութիւն պարգեւել ձեզ: Անիկա պէտք է ձեր մէջ ըլլայ:
  5. Ես փոփոխութիւններ չեմ ուզեր. Ասիկա ուղիղ ճանապարհ է դէպի անդունդ: Կեանքը ճամբորդութիւն է եւ մշտապէս պէտք է փոփոխութիւններու պատրաստ ըլլալ: Ի հարկէ, որոշ փոփոխութիւններ հնարաւոր է կանխել, բայց անոնք անխուսափելի են եւ կ՝օգնեն նոր փորձ ու գիտելիքներ ձեռք բերել եւ աւելի հասուն ըլլալ:
  6. Եթէ ոչ այսօր, ուրեմն երբեք. Յաճախ մարդիկ անյաջողութիւններէն կը հիասթափուին եւ կը նահանջեն: Սխալ մօտեցում է: Միշտ հարկաւոր է խրախուսել սեփական քայլերը եւ երբեք չընկրկիլ դժուարութիւններէն: Դուք չէք գիտեր, թէ ձեզի ինչ կը սպասէ վաղը: Հաւանաբար վաղը կատարուին ձեր փափաքները:
  7. Ես որոշում պիտի ընդունիմ այն ժամանակ, երբ յստակ գիտնամ յետագայ քայլերս. Որքան շատ կը մտածէք, այդքան աւելի արագ կը յայտնուիք փակուղիի մէջ: Ոչ մէկ խնդիր կը լուծուի առանց երկար ու մանրակրկիտ աշխատանքի, քննարկման ու որոշակի գործողութիւններու:  Ուստի, պէտք չէ երկմտիլ: Իսկ անյաջողութեան պարագային պէտք չէ հիասթափուիլ, քանի որ  կեանքը միշտ նոր հնարաւորութիւններ կ՝ընձեռէ:
  8. Միայն բախտաւոր մարդոց երազանքները կը կատարուին. Չես գիտեր ինչու, մարդիկ կը հաւատան, որ իրենք ճակատագրի խաղալիքներն են եւ ամէն ինչ իրենց փոխարէն արդէն մտածուած է: Սակայն, եթէ դուք հաւատաք ձեր սեփական ուժերուն, ընէք ամէն ինչ ձեր երազանքին հասնելու համար, ուրեմն հաճելիօրէն պիտի զարմանաք. ձեզ յաջողութիւններ կը սպասուին:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...