News

27
Apr

Եւրոպական Խորհրդարանը Կոչ Ըրաւ Կասեցնելու Եւրոմիութին-Թուրքիա Անդամակցութեան Բանակցութիւնները

eu-turkey-agnarg«Եւրոպան չի փակեր իր դռները Թուրքիոյ առջեւ, սակայն վերջին զարգացումները կը յուշեն, որ պէտք է գտնել Թուրքիոյ` Եւրոմիութեան անդամակցութեան այլընտրանք»,-ըսած է ԵՄ Հարեւանութեան ու ընդլայնման հարցերով յանձնակատար Յոհաննէս Հան` երէկ Եւրոպական Խորհրդարանին մէջ Թուրքիոյ վերաբերեալ տեղի ունեցած քննարկման ժամանակ, կը հաղորդէ «Փանորամա»-ն:

Քննարկման բացման խորհրդարանի նախագահ Անթոնիօ Տայանի կոչ ըրած է Թուրքիոյ յարգելու մարդոց հիմնարար իրաւունքները, որոնք Եւրոպայի հիմքը կը հանդիսանան: Տայանի ընդգծած է, որ Եւրոպան իսլամաֆոպիկ աշխարհամաս չէ ու չի փակեր իր դռները թուրք ժողովուրդին առաջ:

Քննարկումի ժամանակ պատգամաւորները եւս իրենց մտահոգութիւնները յայտնեցին Թուրքիոյ մէջ տեղի ունեցած հանրաքուէի հետ կապուած, որ ընդլայնեց նախագահի լիազօրութիւնները, ու զայն անուանեցին ոչ արդար: Պատգամաւորներուն մեծամասնութիւնը կողմ է, որ արդէն ժամանակն է վերագնահատելու ԵՄ-Թուրքիա յարաբերութիւնները ու դադրեցնելու անդամակցութեան բանակցութիւնները:

Որոշ պատգամաւորներ նշեցին, որ իրենք Թուրքիան երբեք չեն կրնար տեսնել Եւրոմիութեան լիիրաւ անդամ, որոշներ ալ կը կարծէին, որ բաւական է կասեցնել բանակցութիւնները, սակայն հնարաւորութիւն տալ Թուրքիոյ փոխելու իրադարձութիւններու ներկայ ընթացքը:

Պատգամաւորներուն մեծամասնութիւնը կը գտնէր, որ պէտք է աշխոյժ աջակցութիւն ցուցաբերել Թուրքիոյ քաղաքացիական հասարակութեան ու մենակ չձգել Թուրքիոյ այն 49 տոկոս քաղաքացիները, որոնք դէմ քուէարկած էին սահմանադրութեան ու կը ցանկան ըլլալ Եւրոպայի մաս:

Եւրոպական Խորհրդարանի արտաքին յարաբերութիւններու կոմիտէն պէտք է սկսի քննարկելու Թուրքիոյ առաջընթացի վերաբերեալ ամենամեայ զեկոյցը Մայիս 2-ին: Զեկուցող Քեթի Պիրի եւս իր ելոյթին մէջ կոչ ըրաւ կասեցնելու ԵՄ անդամակցութեան բանակցութիւնները, եթէ ընդունուած սահմանադրական բարեփոխումներու փաթեթը իրականացուի առանց փոփոխութեան:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...