News

20
Jun

«Զինուորի Բաժին» Մակագրութեամբ Պահածոներ Յայտնաբերուած են Նաեւ Մանուէլ Գրիգորեանի Արցախի Առանձնատան Մէջ. Նոր Բացայայտումներ

938189

ՀՀ յատուկ քննչական ծառայութեան եւ ՀՀ ԱԱԾ համագործակցուած քայլերուն իբրեւ արդիւնք եղած տեղեկութիւններուն հիման վրայ՝ իրաւական օգնութիւն ցոյց տալու մասին միջնորդութիւն ուղարկուած է Արցախի Հարնրապետութեան իրաւապահ մարմիններուն, որուն ծիրէն ներս՝ 2018 Յունիս 20-ի առաւօտեան, խուզարկութիւն կատարուած է Արցախի Հանրապետութեան պաշտպանութեան բանակի N զօրամասին (Դաշկեսան) յարակից` «Արա Լեռ» կոչուող տարածքին գտնուող, ՀՀ ԱԺ պատգամաւոր Մանուէլ Գրիգորեանին պատկանող առանձնատան մէջ: Այս մասին կը տեղեկացնեն ՀՔԾ լրատուական ծառայութենէն:

Խուզարկութեամբ յայտնաբերուած են «Զինուորի բաժին» մակագրութեամբ մեծ քանակով միսի պահածոներ, ծխախոտ, զինուորական ներքնահագուստ եւ արտահագուստ, մաքրութեան պարագաներ, վիրակապեր, պենզին, ինքնաձիգի մեծ քանակով փամփուշտներ՝ 7,62 եւ 5,45 մմ տրամաչափերու:

Ի դէպ, քրէական գործին ծիրէն ներս՝ 19.06.2018թ.-ին ապօրինի զէնք-զինամթերք պահելու կասկածանքով ձերբակալուած է Մ. Գրիգորեանի բարեկամ Ա.Հ.-ն:

Մանուէլ Գրիգորեանի վերաբերեալ քրէական գործի բոլոր հանգամանքներու լրիւ եւ իրական հետազօտման ուղղութեամբ տարուող քննչական գործողութիւններն ու անմիջական-հետախուզական համագործակցուած քայլերը կը շարունակուին:

Նոր մանրամասներն ու տեսանիւթը պիտի հրապարակուին յառաջիկային:

Նախաքննութիւնը կը շարունակուի:

Ծանուցում. ենթադրեալ յանցանքի մէջ կասկածուողը կամ մեղադրուողը կը համարուի անմեղ, քանի դեռ անոր մեղաւորութիւնը ապացուցուած չէ ՀՀ քրէական դատավարութեան օրէնսգիրքով սահմանուած կարգով` դատարանի` օրինական ուժի մէջ մտած դատավճիռով:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...