News

20
Mar

Էրտողանիզմը Պիտի Կործանէ Թուրքիան. Թուրք Սիւնակագիրին Անդրադարձը

erdoganԹրքական diken.com.tr կայքի սիւնակագիրներէն Լեւենթ Կիւլթեքինը անդրադարձած է Թուրքիոյ մէջ «Էրտողանիզմի» եւ իսլամականութեան տարածման ու ատոր անդառնալի հետեւանքներուն:

Ըստ Կիւլթեքինի` «էրդողանիզմի» դրսեւորումները ոչ միայն ծանր հետեւանքներ պիտի ծնին Թուրքիոյ համար, այլեւ կը ստիպեն ամօթով մնալու ամբողջ աշխարհի մահմետականներուն:

Սիւնակագիրը կը նկատէ, որ Մուսթաֆա Քեմալ Աթաթուրքի հիմնած հանրապետական Թուրքիոյ մէջ, որ կտրուկ քայլերով գնաց դէպի աշխարհիկ պետութիւն եւ դուրս մղեց իսլամը քաղաքական ու հասարակական կեանքէն, հաւատացեալ մահմետականները երկար տարիներ ստիպուած եղած են պայքարելու կրօնի գործօնը հասարակութեան մէջ ազատականացնելու, հասարակական ու քաղաքական կեանքին մէջ իրենց կրօնական նախընտրութիւնները (հիճապ կրելը, նամազ կատարելը, Ռամատանի պահքը պահելը, մզկիթ այցելելը եւ այլն) թաքցնել ստիպուած չըլլալու համար:

Կիւլթեքինը կը նկատէ, որ Էրտողանի «Արդարութիւն եւ զարգացում» կուսակցութիւնը ի սկզբանէ իր գաղափարախօսութեան մէջ ներառեց այս մարդոց հաւասար իրաւունքներուն համար պայքարն ու հանդէս եկաւ ժողովրդավար դիրքերէ։

«էրտողանի կուսակցութիւնը սկիզբը ապաւինեցաւ «ընդդիմադիր ժողովրդավարութեան», յետոյ եկաւ այն եզրակացութեան, որ ամենալաւը սերտած էին` իսլամականութեան: Սակայն առկայ խնդիրներուն մէջ իսլամականութեամբ առաջ երթալու ճանապարհը չգտան», – կը գրէ Կիւլթեքին ու կ՛աւելցնէ, որ տարիներու փորձը ցոյց տուաւ, որ հակառակ ծախսուած ֆինանսական միջոցներուն ու թափուած ջանքերուն` Թուրքիոյ ներկայ իշխանութիւնները այդպէս ալ չկրցան խաղաղութեան, ազատ ու ժողովրդավար հասարակութեան հասնելու ճանապարհը գտնել իսլամականութեան մէջ:

«Երբ իսլամականութեան գաղափարը սպառեց ինքզինք, անոնք սկսան այլ տարբերակներ փնտռել իշխանութիւնը պահելու համար», -կը  գրէ սիւնակագիրը ու կը նշէ, որ ատոր լուծումը ԱԶԿ-ականները գտան քարիզմաթիկ, անպարտելի առաջնորդի կերպար ստեղծելուն մէջ, որուն հռետորաբանութիւնը հիմնուած պիտի ըլլար հզօր ու մեծցող Թուրքիոյ ու «աշխարհի կեղտոտ խաղերուն դէմ առնելու» յայտարարութիւններուն վրայ:

«Իսլամականութեան եկաւ փոխարինելու էրտողանիզմը: Սա արդէն աշխարհիկ քեմալականներու ու իսլամականներու, ձախակողմեաններու ու աջակողմեաններու պայքար չէ: Սա էրտողանականներու մահմետականներու պայքարն է», – կը նշէ Կիւլթեքին ու կ՛ընդգծէ, որ Թուրքիոյ մէջ իշխանութիւններուն կողմէ քարոզուող ու դրսեւորուող կրօնական գաղափարները ուղղակիօրէն կը վնասեն իսլամին ու կը  նպաստեն հասարակութեան մէջ իսլամի հանդէպ վստահութեան ու համակրանքի նուազեցման:

«Նոյնիսկ քեմալականները Թուրքիոյ մէջ այսքան վնաս չեն հասցուցած իսլամին: Էրտողանիզմի ամրապնդման համար Թուրքիոյ ժողովուրդը կը տանին սահմանադրական փոփոխութիւններու հանրաքուէի, որուն հետեւանքներով կրնար շատ ծանր վճարել եւ շատ երկար ժամանակ: Որովհետեւ յանուն էրտողանիզմի գաղափարի յարատեւութեան` վտանգի տակ կը դրուին նոյն մահմետականներու ապագան, խաղաղ կեանքը: Վտագի տակ կը դրուի Թուրքիոյ ամբողջականութիւնը: Հասարակութեան ընդհանուր արժէքները, սրբութիւնները կ՛օգտագործուին էրտողանիզմի յաղթանակին համար»,- կը գրէ սիւնակագիրը:

Ըստ Կիւլթեքինի` էրտողանականները նոյնիսկ աչք կը փակեն ամբողջ աշխարհի մէջ մահմետականներու հանգստութեան ու խաղաղ ապրելու անհրաժեշտութեան վրայ եւ կը գործեն միայն ի բարօրութիւն էրտողանիզմի, այդ իսկ պատճառով առկայ իրավիճակը կարելի է կոչել էրտողանականներու ու մահմետականներու պայքար:

Սիւնակագիրը նաեւ կը յիշեցնէ, որ բազմահազար կիւլենականները, որոնք նոյնպէս իսլամականներու բանակէն էին, պետական հիմնարկներէ ազատելն ու համապատասխան ոլորտները էրտողանական մարդուժով լեցնելը նոյնպէս ըսուածին վառ ապացոյց է:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...