News

14
Sep

էրտողանի Հետ Թուրքիան Երբեք Եւրոմիութեան Անդամ Չի Կրնար Դառնալ․ Ճեմ Օզտեմիր

cem-ozdemir

Գերմանիոյ «Կանաչներ»ու կուսակցութեան համանախագահ Ճեմ Օզտեմիր յայտարարած է, որ էրդոտանական Թուրքիան երբեք Եւրոմիութեան անդամ չի դառնար: «Deutsche Welle»-ի թրքական ծառայութեան համաձայն` Օզտեմիր կոչ ըրած է Եւրոմիութեան`  աւելի իրատեսական եւ արժէքներու վրայ հիմնուած արտաքին քաղաքականութիւն վարելու, կը հաղորդէ «Էրմէնիհապեր»-ը:

Անոր խօսքով` Ռուսիոյ Դաշնութեան նախագահ Վլատիմիր Փութինի եւ Թուրքիոյ նախագահ Ռեճեփ Թայիփ Էրտողանի նման մենատիրական ղեկավարներու հետ յարաբերութիւններուն մէջ պէտք է աւելի վճռական մօտեցում ցուցաբերել:

Օզտեմիրի խօսքով` այդպիսի առաջնորդներու հետ երկխօսութիւնը, ի հարկէ, պէտք է պահպանել, սակայն ատիկա ընելու ատեն պէտք չէ անտեսուին նաեւ եւրոպական արժէքները:

«Կանաչներ»ու առաջնորդը նշած է, որ կողմ չէ Թուրքիոյ եւրոընդելուզման բանակցութիւնները լիովին դադրեցնելուն, քանի որ ատիկա կը նաշանակէ` լքել Թուրքիոյ եւրոպամէտ զանգուածը: «էրտողանին ուղղուած տնտեսական պատժամիջոցները կրնան աւելի արդիւնաւէտ ըլլալ: Էրտողանի կառավարման ընթացքին Թուրքիան Եւրոմիութեան անդամ չի կրնար դառնալ»,-աւելցուցած է Օզտեմիր:

Գերմանացի գործիչը նաեւ առաջարկած է դադրեցնել Սէուտական Արաբիոյ եւ ՆԱԹՕ-ի դաշնակից Թուրքիոյ զէնքի վաճառքը, ինչպէս նաեւ` տնտեսութեան նախարարութեան փոխարէն զէնքի արտահանման առաջարկներու հաստատման իրաւասութեամբ լիազօրել Արտաքին գործոց նախարարութիւնը:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...