News

27
Oct

Էրտողանի Հրամանով Թուրքիոյ Մէջ Առգրաւած են Հայ Բանաստեղծուհիին Գիրքերը

Մsona-vanիացեալ Նահանգներ բնակող սփիւռքահայ բանաստեղծուհի Սոնա Վան Երեւանի մէջ լրագրողներու պատմած է, թէ ցեղասպանութեան զոհերուն նուիրուած իր գիրքը ինչպէս առգրաւած են Թուրքիոյ մէջ: Այս մասին կը հաղորդէ Sputnik արմենիան:

Բանաստեղծուհիին խօսքով` անցած տարի թրքական կառավարութիւնը առգրաւած է իր գիրքերը, որ տպագրած է հրատարակիչ Ռագըփ Զարաքօլուն: Այսօր ան իր գործունէութեան համար հետապնդումներու կ՛ենթարկուի Թուրքիոյ մէջ:

«Բանաստողծութիւններս հաւնեցաւ տաղանդաւոր թարգմանիչ, թրքագէտ Յակոբ Չաքրեանին, եւ ան որոշեց զանոնք թարգմանել թրքերէն: Ստեղծագործութիւնները ուղարկեց «Պելկէ» հրատարակչութիւն, որու ղեկավարը Ռագըփ Զարաքօլուն է»,- ըսած է Վանը:

Ըստ անոր` Զարաքօլուն համարձակեցաւ յայտարարելու, որ անձամբ պիտի խմբագրէ ու պիտի հրատարակէ Ցեղասպանութեան մասին գիրքը:

«Եւ ան ստանձնեց այդ գործը: Շատ լաւ նախաբան գրեց, եւ գիրքը հրատարակուեցաւ 1500 տպաքանակով, այն պարագային, որ իմ միւս գրքերը տպագրուած էին 1000 օրինակով: Թուրքիոյ մէջ հայերը շատ են, բայց ես ոչ միայն կեդրոնացած էի հայ ընթերցողի, այլեւ թուրք մտաւորականութեան վրայ», -նշած է ան։

Գիրքի հրատարակումէն ետք բանաստեղծուհին պէտք է մեկնէր Սթամպուլ` տեղի մտաւորականութեան հետ հանդիպելու համար: Զարաքօլուն կազմակերպած էր ձեռնարկը, սակայն հանդիպումը այդպէս ալ չկայացաւ…

«Որոշակի վախ ունէի, բայց ես կը սպասէի այդ հանդիպման, կ՛ուզէի որոշ հարցեր բարձրացնել այդ մարդոց ներկայութեան: Սակայն իմացայ, որ Էրտողանի հրամանով երեք հրատարակչատուն  փակած են, որոնցմէ մէկն ալ «Պելկէ»ն էր, իսկ իմ գիրքերն ալ առգրաւուած էին»,- ըսած է Վան:

Անոր խօսքով, առգրաւումէն առաջ գիրքի 100 օրինակ ուղարկուած էր Երեւան, սակայն 1400 օրինակ մնացած էր հրատարակչատան մէջ:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...