News

01
Jun

Էրտողան Կը Սպառնայ Գերմանիոյ

recep-tayyip-erdoganԹուրքիոյ նախագահ Ռեճեփ Թայիփ Էրտողան անդրադարձած է Պունտեսթակի մէջ Յունիս 2-ին քննարկուելիք Հայոց ցեղասպանութեան ճանաչման մասին բանաձեւին` յայտարարելով, որ Թուրքիան չունի «այսպէս կոչուած Հայոց ցեղասպանութեան» խնդիր:

Այս մասին կը տեղեկացնէ «Արցախփրես»-ը՝ վկայակոչելով թրքական «Անատոլու» գործակալութիւնը:

«Մենք այս հարցով հանգիստ ենք: Գերմանիոյ մէջ այս պահուն կը բնակի աւելի քան 3 միլիոն թուրք, այժմ մեր յարաբերութիւնները շատ-շատ բարձր մակարդակի վրայ են: Եթէ երկիրը նման խաղի մէջ ներքաշուի, ապա ատիկա ապագային կը վնասէ մեր երկու երկիրներուն միջեւ դիւանագիտական, տնտեսական, առեւտրային, քաղաքական ու ռազմական յարաբերութիւնները: Կը կարծեմ, որ այս բոլորը հաշուի կ’առնուին»,- սպառնացած է Էրտողանը:

Թուրքիոյ նախագահը  նշած է, որ Գերմանիոյ Պունտեսթակի կողմէ որոշում ընդունելէն անմիջապէս ետք թրքական կառավարութիւնը մանրամասնօրէն պիտի ուսումնասիրէ եւ համապատասխան գնահատական տայ ատոր: «Սակայն կ՛ուզեմ իմանաք, որ այդ որոշումը միջազգային իրաւունքի տեսանկիւնէ մեզի ոչինչ  կը պարտադրէ»,- ըսած է Էրտողան:

Գերմանիոյ Պունտեսթակը Հայոց ցեղասպանութեան մասին բանաձեւի նախագիծը պիտի քննարկէ Յունիս 2-ին:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...