News

23
Apr

«Ընդդէմ Ցեղասպանութեան Յանցագործութեան» Համաշխարհային Ֆորումի Ընդունած Եզրափակիչ Յայտարարութիւնը

forum

«Ընդդէմ ցեղասպանութեան յանցագործութեան» համաշխարհային ֆորումը ընդունեց եզրափակիչ յայտարարութիւն:

Որոշուած է յաջորդ հանդիպումը գումարել 2018-ի Ապրիլին Հայաստանի Հանրապետութեան մէջ: Երկրորդ համաշխարհային ֆորումը կոչ ըրած է բոլոր երկիրներուն, խորհրդարաններուն, միջազգային կազմակերպութիւններուն, քաղաքացիական հասարակութեան եւ շահագրգիռ այլ կողմերու համախմբելու ջանքերը ցեղասպանութեան չարիքի եւ մարդկութեան հանդէպ այլ յանցագործութիւններու դէմ պայքարի նոր յանձնառութեան ոգիի ներքոյ: Ընդունուած փաստաթուղթին մէջ, ըստ Armenpress.am-ի, մասնաւորապէս ըսուած է.

«Համաշխարհային ֆորումը,

Կ՝ողջունէ ՀՀ ԱԺ եւ կառավարութեան նախաձեռնութիւնը` հիւրընկալելու երկրորդ համաշխարհային ֆորումը Երեւանի մէջ 2016 Ապրիլ 23-ին,

Կ՝ողջունէ նաեւ 2015-ին Միաւորուած ազգերու կազմակերպութեան Գլխաւոր ասամպլէայի կողմէն Դեկտեմբեր 9-ը «Ցեղասպանութեան յանցագործութեան զոհերու յիշատակի եւ արժանապատւութեան եւ այդ յանցագործութեան կանխարգիլման միջազգային օր» Ցեղասպանութեան յանցագործութիւնը կանխարգիլելու եւ պատժելու մասին համաձայնագրին վերաբերեալ իրազեկուածութեան բարձրացումը,

Յարգանքի տուրք կը մատուցանէ եւ երախտագիտութիւն կը յայտնէ բոլոր անոնց, որոնք մարդասիրական ճգնաժամերու եւ ցեղասպանութեան օրերուն հանդէս եկան յանուն մարդկութեան եւ գործելով արիութեամբ ու զոհողութիւններու գնով փրկուեցան բազմաթիւ անմեղ կեանքեր,

Խոր մտահոգութիւն կ՝արտայայտուի վեջերս Մերձաւոր Արեւելքի եւ աշխարհի այլ կէտերու մէջ լայն տարածում գտած վայրագութիւններու, ահաբեկչութեան ու ցեղասպան գործողութիւններու առնչութեամբ, որ անմիջական վտանգ կը ներկայացնէ ցեղական եւ կրօնական փոքրամասնութիւններուն համար եւ կ՝առաջացնէ լայնածաւալ մարդասիրական ճգնաժամեր` ներառելով Երկրորդ համաշխարհային պատերազմէն ի վեր փախստականներու եւ տեղահանուած անձերու ամենաբարձր թիւը,

Կը գիտակցի, որ նման ծաւալի մարդասիրական ճգնաժամերը կը պահանջեն ջանքերու համադրում եւ չեն կրնար դիմագրաւել միայնակ` առանձին երկիրներու կողմէ, եւ խորապէս կը հաւատայ, որ փախստականներու աննախադէպ մեծ քանակով տեղահանուած անձերու առնչուող մարտահրաւէրներու լուծման ուղղուած ջանքերը ոչ մէկ պարագայի կրնան քաղաքական շահարկումներու առարկայ հանդիսանալ,

Կրկին կը բարձրաձայնէ 2015 Ապրիլին կայացած «Ընդդէմ ցեղասպանութեան յանցագործութեան» համաշխարհային ֆորումին իբրեւ արդիւնք ընդունուած Երեւանեան հռչակագիրին կոչը բոլոր պետութիւններուն` հնարաւորինս ներդրում ունենալու ցեղասպանութեան կանխարգիլման մեքենականութիւններու ամրապնդման գործին,

Կոչ կ՝ուղղէ բոլոր երկիրներուն, խորհրդարաններուն, միջազգային կազմակերպութիւններուն, քաղաքացիական հասարակութեան եւ շահագրգիռ այլ կողմերու համախմբելու ջանքերը ցեղասպանութեան չարիքի եւ մարդկութեան հանդէպ այլ յանցագործութիւններու դէմ պայքարի նոր յանձնառութեան ոգիին ներքոյ,

Կ՝ընդգծէ մարդկութեան պատմութեան, ինչպէս նաեւ ցեղասպանութեան պատճառներու եւ հետեւանքներու դասաւանդման կարեւորութիւնը եւ անհրաժեշտութիւնը` անցեալի ոճրագործութիւններու համընդհանուր եւ առարկայական ճանաչման հասնելու ակնկալիքով,

Կ՝առաջարկէ համաշխարհային յաջորդ ֆորումի ընթացքին շեշտադրումը կատարել կրթութեան դերի, մեքենականութիւններու, միջոցներու, եւ կարողութիւններու վրայ` իբրեւ ատելութիւնը, անհանդուրժողականութիւնը, այլատեացութիւնը վերացնելու մեր համատեղ պարտականութեան մաս, եւ հաւատացած է, որ կրթութիւնը եւ գիտելիքի փոխանակումը վճռական դերակատարութիւն ունին ցեղասպանութեան արհաւիրքի վերացման գործին մէջ,

Կ՝որոշէ յաջորդ հանդիպումը գումարել 2018-ի Ապրիլին Հայաստանի Հանրապետութեան մէջ»:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...